Падзеі

Беларусь і Тайланд абмеркавалі пачатак работы сумеснага камітэта па гандлёва-эканамічным супрацоўніцтве

Фота з архiва

9 студзеня, Мінск /Кар. БЕЛТА/. У час візіту ў Каралеўства Тайланд Надзвычайны і Паўнамоцны Пасол Рэспублікі Беларусь Уладзімір Баравікоў 8 студзеня правёў сустрэчу з генеральным дырэктарам дэпартамента Еўропы МЗС Тайланда Кранганіт Ракчарон. Аб гэтым карэспандэнту БЕЛТА паведамілі ў беларускай загранустанове ў В'етнаме.

Бакі разгледзелі ход рэалізацыі дамоўленасцей, дасягнутых у час візіту міністра замежных спраў Беларусі Максіма Рыжанкова ў Тайланд 16 ліпеня 2025 года. Была таксама адзначана важнасць больш актыўнага задзейнічання патэнцыялу народнай дыпламатыі.

У той жа дзень Уладзімір Баравікоў правёў сустрэчу з генеральным дырэктарам дэпартамента гандлёвых перагавораў Міністэрства гандлю Тайланда Чацімой Емсавасдыкул.

У фокусе ўвагі былі пытанні хутчэйшага запуску работы сумеснага беларуска-тайландскага камітэта па гандлёва-эканамічным супрацоўніцтве на аснове падпісанага ў ліпені 2025 года міжурадавага мемарандума.

версія для друку

зрабіць стартавай

дабавіць у выбранае