Падзеі

Беларусь і Саудаўская Аравія зацікаўлены ў паглыбленні палітычнага дыялогу

Фота з архiва

28 ліпеня, Мінск /Кар. БЕЛТА/. Першы намеснік міністра замежных спраў Беларусі Сяргей Лукашэвіч 27 ліпеня прыняў копіі даверчых грамат Надзвычайнага і Паўнамоцнага Пасла Саудаўскай Аравіі ў Расіі і Беларусі па сумяшчальніцтве Самі бен Махамеда аль-Садхана. Аб гэтым паведамляе карэспандэнт БЕЛТА са спасылкай на МЗС Беларусі.

Бакі намецілі прыярытэтныя крокі па актывізацыі беларуска-саудаўскіх сувязей на бліжэйшую перспектыву. Яны абазначылі ўзаемную зацікаўленасць у паглыбленні палітычнага дыялогу і ўмацаванні дагаворна-прававой базы.

Субяседнікі падкрэслілі значны патэнцыял для развіцця супрацоўніцтва ў гандлёва-эканамічнай, інвестыцыйнай і гуманітарнай сферах, удзяліўшы асаблівую ўвагу шляхам актывізацыі кантактаў паміж дзелавымі коламі Беларусі і Саудаўскай Аравіі.

Сяргей Лукашэвіч пажадаў паслу поспехаў ва ўскладзенай на яго місіі.

версія для друку

зрабіць стартавай

дабавіць у выбранае