Падзеі
Беларусь і Інданезія канкрэтызуюць дамоўленасці аб супрацоўніцтве на бліжэйшым пасяджэнні міжурадавай камісіі
25 мая, Мінск /Аліна Грышкевіч - БЕЛТА/. Дасягнутыя ў Мінску дамоўленасці будуць канкрэтызаваны ў час маючага адбыцца ў пачатку лета ў Мінску пасяджэння беларуска-інданезійскай міжурадавай камісіі. Гэта адзначыў па выніках сустрэчы з Прэзідэнтам Беларусі Аляксандрам Лукашэнкам спікер Савета рэгіянальных прадстаўнікоў Народнай кансультатыўнай асамблеі Рэспублікі Інданезія Ірман Гусман, перадае карэспандэнт БЕЛТА.
Ірман Гусман выказаў упэўненасць, што Беларусь і Інданезія павінны ўмацоўваць супрацоўніцтва на ўсіх узроўнях дзяржавы, парламента, бізнесу. Паводле яго слоў, беларуска-інданезійскія кантакты "не павінны абмяжоўвацца сферай гандлю інвестыцый, а павінны ахопліваць і навуку, адукацыю, культуру, маладзёжную палітыку, спорт". "Гэта важнае дапаўненне, якое фарміруе нашу агульную будучыню", - сказаў ён.
Спікер інданезійскага парламента застаўся задаволены праведзенымі ў Мінску перагаворамі і намечанымі дамоўленасцямі. Ён лічыць, што за 23 гады дыпламатычных адносін паміж нашымі краінамі ўдалося нямала дасягнуць.
версія для друку
зрабіць стартавай
дабавіць у выбранае