Падзеі

Намеснік міністра замежных спраў Валянцін Рыбакоў прыняў дэлегацыю Міжнароднай арганізацыі працы (МАП) на чале са спецыяльным саветнікам генеральнага дырэктара МАП Кары Тапіёла. "Бакі пацвердзілі ўзаемную зацікаўленасць у падтрыманні дыялогу і разгледзелі далейшыя крокі па пашырэнні супрацоўніцтва", - адзначылі ў прэс-службе.

У час размовы адбылося абмеркаванне актуальных пытанняў двухбаковага ўзаемадзеяння напярэдадні правядзення ў Мінску 25 лютага семінара МАП на тэму "Механізмы вырашэння спрэчак і медыяцыі".