Падзеі

Беларусь і Кыргызстан падпісалі дарожную карту супрацоўніцтва да 2030 года

29 верасня, Мінск /Кар. БЕЛТА/. Беларусь і Кыргызстан падпісалі пакет дакументаў аб супрацоўніцтве па выніках сустрэчы ў Мінску прэм'ер-міністра Беларусі Аляксандра Турчына і старшыні Кабінета Міністраў - кіраўніка Адміністрацыі Прэзідэнта Кыргызскай Рэспублікі Адылбека Касымаліева, перадае карэспандэнт БЕЛТА.

Бакі падпісалі дарожную карту аб развіцці гандлёва-эканамічнага супрацоўніцтва да 2030 года. Пры ўдзеле міністра сувязі і інфарматызацыі Беларусі Кірыла Залескага заключаны міжведамасны мемарандум аб супрацоўніцтве ў сферы лічбавага развіцця.

Пры ўдзеле міністра ўнутраных спраў Беларусі Івана Кубракова падпісана пагадненне паміж урадам Рэспублікі Беларусь і Кабінетам Міністраў Кыргызскай Рэспублікі аб парадку знаходжання грамадзян дзвюх краін на тэрыторыі Беларусі і Кыргызстана. Дакумент, распрацаваны ў мэтах развіцця дружалюбных адносін і прававога рэгулявання паездак, стварае спрыяльныя ўмовы для абодвух бакоў.

Згодна з новымі нормамі, грамадзяне адной краіны, якія часова знаходзяцца на тэрыторыі другой, вызваляюцца ад абавязку рэгістрацыі ў кампетэнтных органах на працягу 30 каляндарных дзён з даты ўезду. Адлік тэрміну пачынаецца з даты ўезду, пацверджанай адзнакай пагранічнай службы. У выпадку, калі знаходжанне на тэрыторыі рэспублікі перавышае названы перыяд, надыходзіць абавязацельства зарэгістравацца ў адпаведнасці з заканадаўствам краіны знаходжання.

Таксама паміж урадамі Беларусі і Кыргызстана падпісана пагадненне аб рэадмісіі.

Акрамя таго, вызначаны напрамкі ўзаемадзеяння ў сферы навукі, адукацыі, культуры, фізічнай культуры і спорту, аховы навакольнага асяроддзя і інш.

"Вызначылі сумесныя крокі па развіцці супрацоўніцтва па шырокім коле пытанняў. Кыргызскаму боку прапанавана супрацоўніцтва ў сферы паставак беларускай сельскагаспадарчай, камунальнай, кар'ернай тэхнікі, развіццё прамысловай кааперацыі, зборачных вытворчасцей ліфтавага абсталявання і трансфарматараў. Дамовіліся аб узаемадзеянні ў галіне сельскай гаспадаркі, перш за ўсё ў сферы жывёлылагадоўлі і ветэрынарыі, паставак прадуктаў харчававання", - адзначыў Аляксандр Турчын, падводзячы вынікі сустрэчы.

Увага была ўдзелена экалагічнаму парадку дня, рэалізацыі праектаў у сферы перапрацоўкі цвёрдых бытавых адходаў, удасканалення інфраструктуры, міжрэгіянальным сувязям.

версія для друку

зрабіць стартавай

дабавіць у выбранае