Падзеі

Беларусь і Кыргызстан маюць намер пашырыць міжпарламенцкае і эканамічнае ўзаемадзеянне

Фота МЗС

16 сакавіка, Мінск /Кар. БЕЛТА/. Надзвычайны і Паўнамоцны Пасол Беларусі ў Кыргызстане Сяргей Малуноў 16 сакавіка сустрэўся з выбраным спікерам Вярхоўнага Савета Кыргызстана Марленам Маматаліевым. Аб гэтым БЕЛТА паведамілі ў беларускім знешнепалітычным ведамстве.

"Старшыня парламента адзначыў высокі ўзровень супрацоўніцтва паміж Беларуссю і Кыргызстанам, у тым ліку па міжпарламенцкай лініі", - гаворыцца ў паведамленні МЗС.

Кіраўнік беларускай дыпламатычнай місіі ў Кыргызстане акцэнтаваў увагу на важнасці далейшага ўмацавання міжпарламенцкіх сувязей у рамках профільных камітэтаў і груп дружбы. Акрамя таго, размова ішла аб актывізацыі двухбаковага ўзаемадзеяння паміж Беларуссю і Кыргызстанам у розных галінах эканомікі, а таксама пашырэнні двухбаковага супрацоўніцтва ў гуманітарнай сферы.

версія для друку

зрабіць стартавай

дабавіць у выбранае