Падзеі

Беларусь і Куба абмеркавалі супрацоўніцтва ў ваеннай сферы

Фота "Ваяр"

9 жніўня, Мінск /Кар. БЕЛТА/. Беларусь і Куба абмеркавалі супрацоўніцтва ў ваеннай сферы. Аб гэтым БЕЛТА паведамілі ў прэс-службе Міністэрства абароны Беларусі.

У ходзе афіцыйнага візіту ў Рэспубліку Куба адбыліся перагаворы начальніка Генеральнага штаба Узброеных Сіл - першага намесніка міністра абароны Рэспублікі Беларусь Паўла Муравейкі з начальнікам Генеральнага штаба - першым намеснікам міністра Рэвалюцыйных Узброеных Сіл Рэспублікі Куба Раберта Легра Саталонга.

Бакі абмеркавалі стан і перспектывы двухбаковага ваеннага супрацоўніцтва, а таксама парадак рэалізацыі канкрэтных мерапрыемстваў у рамках яго развіцця. Пацверджана ўзаемная гатоўнасць да далейшага ўмацавання беларуска-кубінскага партнёрства.

4 жніўня ў рамках актывізацыі адносін, у тым ліку кантактаў у ваеннай сферы, Павел Муравейка накіраваўся з афіцыйным візітам у Рэспубліку Куба.

версія для друку

зрабіць стартавай

дабавіць у выбранае