Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

29 Jun 2017

Беларусь і Кастрамская вобласць будуць развіваць супрацоўніцтва ў галіне масавай інфармацыі

29 чэрвеня, Масква /Кар. БЕЛТА/. Міністэрства інфармацыі Беларусі і ўпраўленне па справах друку і масавай інфармацыі Адміністрацыі Кастрамской вобласці падпісалі пагадненне аб супрацоўніцтве. Аб гэтым паведаміла сёння журналістам на IV Форуме рэгіёнаў Беларусі і Расіі кіраўнік беларускага міністэрства Лілія Ананіч, перадае карэспандэнт БЕЛТА.

"На прававой аснове пачынаем умацоўваць наша ўзаемадзеянне", - праінфармавала Лілія Ананіч.

Мінінфарм актыўна супрацоўнічае з шэрагам расійскіх рэгіёнаў. "Перад намі стаіць задача развіваць практычныя праекты", - адзначыла міністр. У якасці прыкладу яна прывяла фестываль рэгіянальных тэлекампаній Беларусі і Расіі "Вобраз часу". Прыярытэтным для дзвюх краін з'яўляецца развіццё саюзнай прэсы з дапамогай новых інфармацыйных тэхналогій.

Сёння Лілія Ананіч прыняла ўдзел у секцыйным пасяджэнні форуму "Роля інфармацыйных тэхналогій у развіцці інстытутаў грамадзянскай супольнасці Саюзнай дзяржавы". "Важна, каб мы абмяняліся вопытам не толькі ў сферы традыцыйных СМІ, але і вызначыліся, як трэба ўзаемадзейнічаць на ўзроўні рэалізацыі канкрэтных задач і праграм, выкарыстоўваючы інфармацыйныя тэхналогіі", - сказала міністр.

Большасць моладзі сёння атрымлівае інфармацыю ў інтэрнэце. "Якая гэта інфармацыя, да чаго там заклікаюць, якія каштоўнасці прывіваюцца - гэтыя пытанні актуальны для ўсіх нас. Наша агульная задача ў тым, каб інфармацыя была накіравана на інтэграцыйныя працэсы, - падкрэсліла Лілія Ананіч. - Пры гэтым інтэграцыйныя - у плане разумення, што беларусы і расіяне, нашы краіны - ментальна і гістарычна блізкія і родныя людзі і народы. Мы павінны не ўпусціць важнае, што разам мы мацнейшыя, што беларуска-расійская эканамічная прастора - гэта добра, што рэалізацыя нашых сумесных інфармацыйных праектаў накіравана не проста на абмен інфармацыяй, а на выбудоўванне трывалага будучага нашых народаў".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі