19 кастрычніка, Мінск /Кар. БЕЛТА/. Беларусь і Эквадор маюць намер пашыраць узаемадзеянне ў ААН і Руху недалучэння. Аб гэтым ішла размова ў час сустрэчы Надзвычайнага і Паўнамоцнага Пасла Беларусі ў Эквадоры Ігара Палуяна з нованазначаным намеснікам міністра замежных спраў Эквадора Хаўерам Ласо, паведамілі БЕЛТА ў прэс-службе беларускага МЗС.
Абмеркаваны пытанні паглыблення міждзяржаўнага дыялогу, далейшага пашырэння ўзаемадзеяння дзвюх краін у ААН, Руху недалучэння і іншых міжнародных арганізацыях, праінфармавалі ў МЗС.
Дыпламаты закранулі таксама тэмы развіцця навукова-тэхнічнага і адукацыйнага супрацоўніцтва, рэалізацыі сумесных эканамічных праектаў.