Падзеі

Беларусь і Эфіопія маюць намер актывізаваць работу па развіцці дагаворна-прававой базы супрацоўніцтва

Фота МЗС

20 лістапада, Мінск /Кар. БЕЛТА/. Міністр замежных спраў Рэспублікі Беларусь Максім Рыжанкоў 20 лістапада сустрэўся з Надзвычайным і Паўнамоцным Паслом Федэратыўнай Дэмакратычнай Рэспублікі Эфіопія Генетам Тэшоме Жыру. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

На сустрэчы абмеркаваны асноўныя тэмы двухбаковага парадку дня з акцэнтам на рэалізацыі дамоўленасцей на вышэйшым узроўні, у тым ліку дасягнутых у ходзе сустрэчы Прэзідэнта Рэспублікі Беларусь Аляксандра Лукашэнкі і прэм'ер-міністра Федэратыўнай Дэмакратычнай Рэспублікі Эфіопія ў Маскве ў верасні 2025 года.

Асаблівая ўвага ўдзелена практычным крокам па нарошчванні гандлёва-эканамічных сувязей паміж Беларуссю і Эфіопіяй, падрыхтоўцы ўсёабдымнай дарожнай карты супрацоўніцтва да 2030 года, якая ахоплівае перш за ўсё сферы сельскай гаспадаркі, вытворчай кааперацыі і стварэння ў Эфіопіі зборачных вытворчасцей беларускай тэхнікі, адукацыі і падрыхтоўкі кадраў.

Бакі пацвердзілі намер актывізаваць работу па развіцці дагаворна-прававой базы адносін, а таксама дамовіліся аб графіку маючых адбыцца кантактаў і правядзенні ў бліжэйшай перспектыве шэрага сумесных мерапрыемстваў, нацэленых на падтрыманне палітычнага дыялогу і актывізацыю эканамічнага ўзаемадзеяння.

версія для друку

зрабіць стартавай

дабавіць у выбранае