Падзеі

Беларусь і Бахрэйн намецілі шляхі актывізацыі кантактаў паміж дзелавымі коламі дзвюх краін

Ігар Белы. Фота МЗС

6 кастрычніка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Каралеўстве Бахрэйн па сумяшчальніцтве Ігар Белы 5 кастрычніка ўручыў копіі даверчых грамат міністру замежных спраў Каралеўства Бахрэйн Абдулаціфу бін Рашыду аль-Заяні. Аб гэтым карэспандэнту БЕЛТА паведамілі ў пасольстве Беларусі ў ААЭ.

Цырымонія прайшла ў фармаце відэаканферэнцыі. Кіраўнік знешнепалітычнага ведамства Бахрэйна пажадаў паслу поспехаў ва ўскладзенай на яго місіі.

У ходзе размовы бакі адзначылі высокі ўзровень узаемаразумення паміж дзвюма краінамі, падкрэслілі наяўнасць значнага патэнцыялу для развіцця супрацоўніцтва ў гандлёва-эканамічнай, інвестыцыйнай і гуманітарнай сферах. Былі намечаны шляхі актывізацыі кантактаў паміж дзелавымі коламі Беларусі і Бахрэйна, а таксама пашырэння дагаворна-прававой базы двухбаковых адносін.

Пасол Беларусі і міністр замежных спраў Бахрэйна пацвердзілі ўзаемную зацікаўленасць у паглыбленні палітычнага дыялогу і рэалізацыі канкрэтных сумесных праектаў, якія ўяўляюць узаемную цікавасць.

версія для друку

зрабіць стартавай

дабавіць у выбранае