Падзеі

Ахова здароўя, фармацэўтыка. Беларусь і Венесуэла абмеркавалі развіццё дагаворнай базы супрацоўніцтва

Нурамі Хасефа Гутыерэс Гансалес і Дзмітрый Дзеравінскі. Фота venezuela.mfa.gov.by

1 сакавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі сустрэўся з міністрам аховы здароўя гэтай краіны Нурамі Хасефой Гутыерэс Гансалес. Аб гэтым карэспандэнту БЕЛТА паведамілі ў беларускім знешнепалітычным ведамстве.

"Субяседнікі абмеркавалі перспектыўныя напрамкі развіцця ўзаемавыгаднага супрацоўніцтва дзвюх краін у сферах аховы здароўя, фармацэўтыкі", - гаворыцца ў паведамленні.

Кіраўнік беларускай дыпламатычнай місіі і міністр аховы здароўя Венесуэлы адзначылі зацікаўленасць у далейшым развіцці дагаворна-прававой базы супрацоўніцтва ў гэтай сферы і яе практычнай рэалізацыі.

Венесуэла афіцыйна прызнала незалежнасць Рэспублікі Беларусь 11 студзеня 1992 года. Дыпламатычныя адносіны паміж дзвюма краінамі ўстаноўлены 4 лютага 1997 года. У снежні 2006 года адкрыта пасольства Венесуэлы ў Беларусі, у кастрычніку 2007 года - пасольства Беларусі ў Венесуэле.

версія для друку

зрабіць стартавай

дабавіць у выбранае