Падзеі

Акцэнт на справядлівых цэнах і пераліку тавараў. Качанава расказала аб маніторынгу гандлёвых аб'ектаў

Фота з архiва

22 кастрычніка, Мінск /Кар. БЕЛТА/. Члены Савета Рэспублікі ў час маніторынгу гандлёвых аб'ектаў робяць акцэнт на справядлівых цэнах, асартыментным пераліку і наяўнасці беларускіх тавараў на паліцах магазінаў. Аб гэтым журналістам заявіла старшыня Савета Рэспублікі Наталля Качанава па выніках даклада кіраўніку дзяржавы, перадае карэспандэнт БЕЛТА.

Адно з пытанняў, аб якім старшыня Савета Рэспублікі далажыла Прэзідэнту, датычылася гандлю і справядлівага цэнаўтварэння. І Савет Рэспублікі, і Палата прадстаўнікоў уключаны ў працэс маніторынгу гандлёвых аб'ектаў на месцах. Паводле слоў Наталлі Качанавай, маніторынгам з боку членаў Савета Рэспублікі ахоплены 700 гандлёвых аб'ектаў па ўсёй краіне, з іх 116 знаходзяцца ў сельскай мясцовасці.

"Вядома, перш за ўсё, мы робім акцэнт на наяўнасці гандлёвых аб'ектаў. Калі такіх няма, то гэта павінны быць аўтакрамы, і людзі павінны мець магчымасць набыць якасны тавар у любым рэгіёне нашай краіны", - заявіла старшыня Савета Рэспублікі.

Другое, не менш важнае, - гэта цэнаўтварэнне і асартыментны пералік. "Дакладна пастаўлена задача кіраўніком дзяржавы - справядлівая цана. Людзі павінны набываць тавар не па завышаных цэнах", - падкрэсліла Наталля Качанава.

Паводле яе слоў, у час маніторынгаў члены Савета Рэспублікі таксама звяртаюць увагу на наяўнасць беларускіх тавараў у магазінах. "Недапушчальна, калі, маючы столькі прадпрыемстваў, якія выпускаюць свае добрыя якасныя прадукты харчавання, тавары народнага спажывання, часам мы не бачым іх у нашых магазінах. Таму адбыўся падрабязны даклад па пытаннях гандлёвага забеспячэння ва ўсіх рэгіёнах краіны", - дадала Наталля Качанава.

версія для друку

зрабіць стартавай

дабавіць у выбранае