Падзеі

ІІ Міжнародны электаральны форум пройдзе ў кастрычніку ў Мінску

Фота з архiва

13 жніўня, Мінск /Кар. БЕЛТА/. Падрыхтоўку да II Міжнароднага электаральнага форуму абмеркаваў сёння старшыня ЦВК Беларусі Ігар Карпенка з першым намеснікам генеральнага сакратара СНД Ігарам Петрышэнкам. Аб гэтым БЕЛТА паведамілі ў прэс-службе ЦВК.

Форум стане пляцоўкай для адкрытай дыскусіі прафесіяналаў і ўсіх тых, хто цікавіцца выбарчым правам і тэхналогіямі. Цэнтральным мерапрыемствам форуму стане міжнародная навукова-практычная канферэнцыя "Фарміраванне прававой культуры насельніцтва як фактар гарманізацыі і ўстойлівасці выбарчага працэсу".

Таксама адбудзецца круглы стол "Электаральная культура ў маладзёжным асяроддзі: выклікі і магчымасці", панэльная дыскусія "Духоўна-маральныя асновы фарміравання правасвядомасці і прававой культуры моладзі: праблемы і рашэнні".

версія для друку

зрабіць стартавай

дабавіць у выбранае