Дакументы

Лукашэнка падпісаў Дырэктыву аб рэалізацыі асноў ідэалогіі беларускай дзяржавы

Фота з архiва

9 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка 9 красавіка падпісаў Дырэктыву нумар 12 "Аб рэалізацыі асноў ідэалогіі беларускай дзяржавы". Аб гэтым БЕЛТА паведамілі ў прэс-службе беларускага лідара.

Дакумент накіраваны на павышэнне эфектыўнасці ідэалагічнай работы, актуалізацыю нарматыўнай прававой базы, што рэгулюе ідэалагічную сферу.

Дырэктывай прадугледжваецца зацвярджэнне канцэптуальных асноў ідэалогіі беларускай дзяржавы, прапаганда разумення дзяржаўнасці беларускага народа, якая падзяляецца ўсім грамадствам, уніфікацыя падыходаў па правядзенні ідэалагічнай работы з насельніцтвам і яе ацэнцы, абавязак рэалізоўваць ідэалогію беларускай дзяржавы ва ўсіх сферах і суб'ектах гаспадарання незалежна ад формы ўласнасці, забеспячэнне ўключанасці ў прадзяржаўнае інфармацыйна-ідэалагічнае поле грамадзян, занятых у прыватным сектары нацыянальнай эканомікі.

версія для друку

зрабіць стартавай

дабавіць у выбранае