Бізнес-навіны

ZTE Сorporation расшырыць сваю інвестыцыйную стратэгію ў Беларусі

Фота Мінэканомікі

30 красавіка, Мінск /Кар. БЕЛТА/. ZTE Сorporation пашырыць сваю інвестыцыйную стратэгію ў Беларусі. Аб гэтым ішла размова 26 красавіка на перагаворах міністра эканомікі Дзмітрыя Крутога са старшынёй праўлення ZTE Сorporation Лі Цзысюе, паведамляе БЕЛТА са спасылкай на сайт Мінэканомікі.

"Лі Цзысюе адзначыў негатыўны ўплыў санкцый ЗША, накладзеных на карпарацыю ZTE. Паводле яго слоў, існуючая сітуацыя не магла не паўплываць на палітыку кампаніі адносна інвесціравання ў праекты за мяжой. Тым не менш старшыня праўлення ZTE Сorporation запэўніў, што кампанія не толькі завершыць заяўлены праект па стварэнні вытворчасці тэлекамунікацыйнага абсталявання ў Кітайска-беларускім індустрыяльным парку "Вялікі камень", але і пашырыць сваю інвестыцыйную стратэгію ў Беларусі", - праінфармавалі ў Мінэканомікі.

Лі Цзысюе таксама назваў беларускі офіс карпарацыі лепшым у рэгіёне.

Карпарацыя ZTE заснавана ў 1985 годзе ў Кітаі, штаб-кватэра размешчана ў горадзе Шэньчжэнь. З'яўляецца адным з буйнейшых вытворцаў тэлекамунікацыйнага абсталявання і мабільных тэлефонаў. Прадстаўніцтва ZTE прыйшло на беларускі рынак у 2004 годзе, у 2009 годзе было заснавана ЗТАА "ЗТЕ". Асноўныя напрамкі дзейнасці кампаніі ў Беларусі - укараненне тэхналогій IPTV і GPON, пастаўкі абсталявання для сетак перадачы даных, будаўніцтва базавых станцый, мадэрнізацыя сетак мабільнай сувязі, а таксама рэалізацыя мабільных устройстваў.

версія для друку

зрабіць стартавай

дабавіць у выбранае