У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Ліс 2016

Зіноўскі запрасіў латвійскі бізнес стаць рэзідэнтамі індустрыяльнага парка "Вялікі камень"

10 лістапада, Мінск /Юлія Огнева - БЕЛТА/. Бізнес Латвіі мог бы разгледзець магчымасць стаць рэзідэнтамі Кітайска-беларускага індустрыяльнага парка "Вялікі камень", заявіў сёння міністр эканомікі Беларусі Уладзімір Зіноўскі на сустрэчы з латвійскай дэлегацыяй на чале з міністрам эканомікі Латвіі Арвілсам Ашэрадзенсам, перадае карэспандэнт БЕЛТА.

"Беларусь з'яўляецца добрай інвестыцыйнай пляцоўкай. Цяпер мы будуем індустрыяльны парк з КНР, але мы не пазіцыянуем яго як толькі беларуска-кітайскі - мы запрашаем усе еўрапейскія кампаніі, хацелі б бачыць латвійскія кампаніі ў гэтым парку. Там вельмі добрыя прэферэнцыі", - адзначыў Уладзімір Зіноўскі. Ён падкрэсліў, што Беларусь прадастаўляе прэферэнцыі не толькі ў парку "Вялікі камень", але і ў свабодных эканамічных зонах.

Уладзімір Зіноўскі канстатаваў, што апошнім часам у Беларусі і Латвіі знізіўся тавараабарот, але выказаў упэўненасць, што краіны не вычарпалі магчымасці і выправяць сітуацыю. "Мы гатовы працаваць канструктыўна і адкрыта. Цяпер важна нагнаць упушчанае і актыўна пераходзіць да новых форм узаемадзеяння і праектаў з рэальным эканамічным эфектам", - адзначыў міністр.

Паводле яго слоў, адным з прыярытэтаў Беларусі з'яўляецца развіццё плённых, эфектыўных адносін з Латвіяй і асабліва пашырэнне ўзаемавыгаднага эканамічнага супрацоўніцтва. У сувязі з гэтым Уладзімір Зіноўскі з задавальненнем адзначыў традыцыйна высокую долю беларускіх экспартных грузаў у агульным аб'ёме чыгуначных перавозак Латвіі. У перспектыве павышэнню прывабнасці і пашырэнню супрацоўніцтва ў сферы лагістыкі будзе садзейнічаць уключэнне Беларусі і Латвіі ў маштабныя кітайскія праекты "Эканамічны пояс Шаўковага шляху" і "Марскі Шаўковы шлях 21-га стагоддзя".

У сваю чаргу Арвілс Ашэрадзенс адзначыў плённы характар адносін паміж Беларуссю і Латвіяй і выказаў зацікаўленасць у цесным эканамічным развіцці. "Ёсць вялікі патэнцыял, звязаны з беларускай эканомікай. Думаю, мы можам разлічваць на падваенне ўзаемнага тавараабароту", - сказаў ён.

Акрамя таго, Арвілс Ашэрадзенс выказаў зацікаўленасць у супрацоўніцтве з Беларуссю і Кітаем па ініцыятыве "Адзін пояс, адзін шлях".

Таксама ён адзначыў значнасць праводзімых Дзён Латвіі ў Беларусі. "Вельмі важна, што беларусы могуць даведацца, як жывуць суседзі", - лічыць Арвілс Ашэрадзенс.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску