У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Ліс 2016

Зіноўскі: Для стварэння спрыяльных умоў вядзення бізнесу ў СЭЗ распрацаваны дадатковыя меры

4 лістапада, Магілёў /Сяргей Кулягін - БЕЛТА/. У мэтах падтрымання спрыяльных умоў для вядзення бізнесу ў свабодных эканамічных зонах урадам распрацаваны дадатковыя меры. Аб гэтым паведаміў сёння на міжнародным інвестыцыйным форуме "Млын поспеху" ў Магілёве міністр эканомікі Уладзімір Зіноўскі, перадае карэспандэнт БЕЛТА.

Рэзідэнтам СЭЗ прадастаўлена вызваленне ад выплаты падатку на нерухомую маёмасць на працягу трох гадоў з даты рэгістрацыі ў якасці рэзідэнта СЭЗ. З 1 студзеня 2017 года да 10 гадоў павялічаны перыяд вызвалення ад падатку на прыбытак для рэзідэнтаў, зарэгістраваных пасля 1 студзеня 2012 года. Для рэзідэнтаў, зарэгістраваных да 1 студзеня 2012 года, прадугледжана дадатковае вызваленне ад падатку на прыбытак на 5 гадоў. Усім рэзідэнтам незалежна ад даты іх рэгістрацыі прадастаўлена вызваленне дадаткова на 5 гадоў ад зямельнага падатку на ўчасткі, што знаходзяцца ў дзяржаўнай уласнасці, размешчаныя на тэрыторыі адпаведных СЭЗ незалежна ад напрамку іх выкарыстання. Гэтыя меры ўжо рэалізаваны праз унясенне змяненняў і дапаўненняў у Падатковы кодэкс Беларусі.

Міністэрствам эканомікі сумесна з урадам падрыхтаваны таксама прапановы аб вызваленні з 1 студзеня 2017 года рэзідэнтаў СЭЗ незалежна ад даты іх рэгістрацыі ад арэнднай платы за зямельныя ўчасткі і напрамку іх выкарыстання на 5 гадоў ад падатку на ПДВ у частцы імпартных тавараў на 3 гады. "Мы разлічваем, што гэтыя нормы ў хуткім часе будуць падтрыманы кіраўніком дзяржавы", - адзначыў міністр.

Паводле інфармацыі Уладзіміра Зіноўскага, на сённяшні дзень у СЭЗ Беларусі зарэгістравана больш за 420 прадпрыемстваў-рэзідэнтаў, прыярытэтнымі напрамкамі дзейнасці якіх з'яўляецца вытворчасць прамысловай прадукцыі і нарошчванне экспарту. На прадпрыемствах-рэзідэнтах занята каля 124 тыс. чалавек, або больш за 4 працэнты ад занятых у эканоміцы краіны. Узровень эфектыўнасці работы прадпрыемстваў-рэзідэнтаў СЭЗ у цэлым значна вышэйшая за сярэдні ўзровень па краіне. Гэта пацвярджаецца больш высокімі паказчыкамі аб'ёмаў прамысловай вытворчасці і экспарту на аднаго занятага.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску