Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

26 Чэр 2017

Вытворчасць беларускай тэхнікі можа быць створана ў Анголе

26 чэрвеня, Мінск /Кар. БЕЛТА/. Вытворчасць беларускай тэхнікі можа быць створана ў Анголе. Гэта пытанне абмяркоўвалася ў якасці аднаго з перспектыўных напрамкаў супрацоўніцтва на сустрэчы Прэзідэнта Беларусі Аляксандра Лукашэнкі з кіраўніком знешнепалітычнага ведамства Анголы Жоржэ Рэбелу Пінту Шыкоці, паведамляе карэспандэнт БЕЛТА.

Было адзначана, што ў Анголе пасля ўскладнення эканамічнай сітуацыі на фоне падзення цэн на нафту ўзяты дакладны курс на дыверсіфікацыю эканомікі, у тым ліку развіццё сельскагаспадарчай сферы.

Разглядаецца магчымасць стварэння ў Анголе зборачнай вытворчасці беларускай тэхнікі. Першапачаткова размова ідзе аб трактарах, аднак беларускі бок прапануе партнёрам стварыць больш шырокую пляцоўку, дзе маглі б збірацца розныя віды тэхнікі. У далейшым магчымы пастаўкі адпаведнай прамысловай прадукцыі і ў іншыя краіны Афрыканскага кантынента.

Ангола імпартуе значную долю прадуктаў харчавання, і ў гэтым напрамку таксама магчыма развіваць узаемавыгаднае супрацоўніцтва.

Яшчэ адна прыярытэтная сфера ў курсе на дыверсіфікацыю эканомікі гэтай краіны - развіццё горназдабыўной і рудаздабыўной прамысловасці. У гэтай сферы беларускія прадпрыемствы вырабляюць рознае абсталяванне, якое можа выкарыстоўвацца ў тым ліку для здабычы алмазаў. Паводле заявы ангольскага боку, гэта абсталяванне мае высокія суадносіны цаны і якасці.

Аляксандр Лукашэнка ў час сустрэчы таксама адзначыў, што Ангола цяпер імкнецца развіваць менавіта тыя сферы эканомікі, дзе Беларусь можа аказаць рэальную падтрымку.

Сярод магчымых напрамкаў супрацоўніцтва ваенна-тэхнічная сфера, будаўніцтва жылля і сацыяльных аб'ектаў, у чым у Беларусі назапашаны значны вопыт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі