У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Крс 2016

Выстаўка і канферэнцыя "Trade Forum'2016 - Інавацыйныя тэхналогіі ў гандлі" пройдзе 19-21 красавіка ў Мінску

13 красавіка, Мінск /Юлія Огнева - БЕЛТА/. Выстаўка і канферэнцыя "Trade Forum'2016 - Інавацыйныя тэхналогіі ў гандлі" пройдзе ў Мінску з 19 па 21 красавіка, паведаміў сёння журналістам у прэс-цэнтры БЕЛТА намеснік міністра гандлю Беларусі Эдвард Матуліс.

"Выстаўка і канферэнцыя "Trade Forum'2016 - Інавацыйныя тэхналогіі ў гандлі" пройдзе ў рамках форуму "ТІБО-2016". Праграма ўключае пленарнае пасяджэнне, а таксама шэраг секцыйных пасяджэнняў, семінараў-прэзентацый і круглых сталоў", - расказаў Эдвард Матуліс.

Паводле яго слоў, мэтай выстаўкі і канферэнцыі з'яўляецца садзейнічанне ўкараненню тэхналагічных, арганізацыйных, кіраўніцкіх інавацый і новых бізнес-мадэлей на базе сучасных інфармацыйна-камунікацыйных тэхналогій у сектар унутранага і знешняга гандлю Беларусі. "На выстаўцы прадстаўнікі ІТ-кампаній пакажуць нам, што новага з сучасных інфармацыйных тэхналогій можна выкарыстоўваць у аптовым і рознічным гандлі", - адзначыў Эдвард Матуліс.

Ён звярнуў увагу, што пленарнае пасяджэнне пройдзе ў Міністэрстве гандлю 19 красавіка. "Плануецца разгледзець найбольш актуальныя пытанні, якія цяпер ёсць у арганізацый гандлю і не толькі. Гэта маючая адбыцца дэнамінацыя - на пасяджэнні будуць разглядацца тэхнічныя моманты, звязаныя з гэтым працэсам", - растлумачыў намеснік міністра. Таксама плануецца разгледзець пытанні, звязаныя з увядзеннем электронных рахункаў-фактур па ПДВ.

Экспазіцыя Trade Forum'2016 будзе прадстаўлена калектыўным стэндам буйнейшых беларускіх прадпрыемстваў - пастаўшчыкоў абсталявання і рашэнняў для прадпрыемстваў гандлю. Выстаўка прадэманструе, як павінен выглядаць сучасны магазін: у ім ёсць каса самаабслугоўвання, а прадукты маркіраваны RFID-меткамі, прасканіраваўшы якія смартфонам можна атрымаць поўную інфармацыю аб тавары, уключаючы вытворцу і дату паступлення ў гандлёвы аб'ект.

У цэнтры экспазіцыі Trade Forum' 2016 размесціцца стэнд Беларускай універсальнай таварнай біржы, на якім будуць прадстаўлены найноўшыя праграмна-тэхнічныя распрацоўкі ў сферы электроннага і біржавога гандлю, у тым ліку электронная гандлёвая пляцоўка прамысловых і спажывецкіх тавараў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс