Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

23 Стд 2020

Вучоныя запрасілі Лукашэнку на дэманстрацыю электрамабіля, ён паабяцаў прыехаць на Tesla

Вучоныя запрасілі Лукашэнку на дэманстрацыю электрамабіля, ён паабяцаў прыехаць на Tesla

23 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка плануе правесці вялікую сустрэчу з вучонымі для адкрытага абмеркавання праблем у іх сферы. Аб гэтым ён заявіў сёння ў час размовы з навуковымі і навукова-педагагічнымі работнікамі пасля цырымоніі ўручэння дыпломаў доктара навук і атэстатаў прафесара, перадае карэспандэнт БЕЛТА.

Старшыня Прэзідыума Нацыянальнай акадэміі навук Уладзімір Гусакоў падзякаваў кіраўніку дзяржавы за сустрэчу і запрасіў яго пабываць у вучоных у гасцях. "Гатовы паказаць і электратранспарт, і іншыя распрацоўкі. Усе даручэнні на кантролі", - адзначыў ён.

"Добра, я прыеду на "Тэсле", пастаўлю побач, - заявіў Прэзідэнт. - Абавязкова прыеду для такой адкрытай, як сёння, размовы, таму што разумею, што мы проста нашых вучоных не арыентуем. Яны атрымліваюць нешта са сродкаў масавай інфармацыі, іншых нейкіх крыніц. Раней, у савецкі час, усё ж такі было па-іншаму. Нам трэба інфармаваць не толькі працоўныя калектывы - мы гэта робім часцей, чым вучоных. А што такое вучоны? Ты яго праінфармаваў - ён заўтра тысячы людзей павядзе за сабой у ідэалагічным плане".

"Таму мы сустрэнемся з вучонымі для таго, каб адкрыта пра жыццё пагаварыць, пра палітыку нашай дзяржавы. Мне вельмі важна было б, каб вучоныя шчыра выказаліся", - сказаў на заканчэнне Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі