Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

11 Jun 2020

Урад у бліжэйшы час вызначыць рэзервы для росту эканомікі

Урад у бліжэйшы час вызначыць рэзервы для росту эканомікі
Фота з архiва

11 чэрвеня, Мінск /Кар. БЕЛТА/. Урад у бліжэйшы час разгледзіць асноўныя вынікі рэалізацыі мер падтрымкі эканомікі на фоне пандэміі і вызначыць рэзервы для выхаду эканомікі на траекторыю росту. Аб гэтым сёння ў парламенце заявіў прэм'ер-міністр Раман Галоўчанка, перадае карэспандэнт БЕЛТА.

Раман Галоўчанка адзначыў, што ў бягучай дзейнасці ўрад будзе зыходзіць з неабходнасці вырашэння задач аднаўлення эканомікі ад наступстваў сусветнага крызісу, выкліканага пандэміяй. Пакет антыкрызісных мер ужо рэалізуецца. "Урад ужо ў новым складзе на бліжэйшым пасяджэнні Прэзідыума Савета Міністраў разгледзіць асноўныя вынікі прымаемых мер падтрымкі, а таксама вызначыць рэзервы для выхаду эканомікі на траекторыю росту", - анансаваў ён.

"Ва ўзаемадзеянні з Нацыянальным банкам прадоўжым рэалізацыю мер па забеспячэнні макраэканамічнай збалансаванасці, паляпшэнні структуры плацежнага балансу, далейшым зніжэнні інфляцыі і павышэнні даступнасці рэсурсаў для рэальнага сектара эканомікі", - дадаў прэм'ер.

Справай бліжэйшага часу кіраўнік урада назваў падрыхтоўку праграмы сацыяльна-эканамічнага развіцця на будучую пяцігодку, а таксама пакета дакументаў на 2021 год. Размова ідзе, у прыватнасці, аб праектах прагнозу сацыяльна-эканамічнага развіцця, бюджэту, асноўных напрамкаў грашова-крэдытнай палітыкі. Пры распрацоўцы гэтых дакументаў Саўмін разлічвае на канструктыўнае ўзаемадзеянне з дэпутацкім корпусам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі