Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Ліп 2015

Улаховіч канстатуе значнае павелічэнне колькасці візітаў замежнага бізнесу ў Беларусь

9 ліпеня, Мінск /Юлія Огнева - БЕЛТА/. Намеснік старшыні Беларускай гандлёва-прамысловай палаты Уладзімір Улаховіч канстатуе значнае павелічэнне колькасці выязных мерапрыемстваў і візітаў замежнага бізнесу ў Беларусь. Аб гэтым ён заявіў сёння журналістам перад пачаткам семінара па пытаннях супрацоўніцтва БелГПП і загранустаноў Беларусі, перадае карэспандэнт БЕЛТА.

"Колькасць нашых выязных мерапрыемстваў і тых, якія звязаны з прыёмам замежнага бізнесу, значна павялічылася. І гэта нядзіўна, таму што БелГПП працуе ў цесным узаемадзеянні з нашым урадам, і тыя задачы, якія на сённяшні дзень вызначаны - па дыверсіфікацыі, новых рынках, адкрыцці новых магчымасцей для беларускай прадукцыі, - гэта нашы задачы", - адзначыў Уладзімір Улаховіч.

Цяпер асноўныя намаганні накіраваны на тое, каб знайсці новыя рынкі збыту для айчынных тавараў. "Гэта тыя краіны, у якіх яшчэ не прысутнічае беларуская прадукцыя. Рынкі складаныя, складаная і кан'юнктура глабальнага рынку. Але калі не рухацца, не спрабаваць прабівацца на гэтыя рынкі, то ў нас нічога не атрымаецца", - лічыць Уладзімір Улаховіч.

Паводле яго слоў, ідзе работа на Афрыканскім кантыненце, адбыліся візіты ў Паўночнаафрыканскія краіны, рыхтуюцца паездкі ў Цэнтральную Афрыку. Яшчэ адзін напрамак - Лацінская Амерыка. "Мы ўмацавалі сваю пляцоўку ў Венесуэле, адкрываем новыя рынкі - Эквадора, Нікарагуа. Там ёсць сур'ёзныя інфраструктурныя праекты, а гэта прыцягненне не толькі беларускай тэхнікі, але і айчынных тэхналогій, спецыялістаў. Гэта доўгатэрміновыя стратэгічныя праекты", - канстатаваў Уладзімір Улаховіч.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс