У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

23 Крс 2015

Улаховіч: Беларусь і Фінляндыя маюць патэнцыял для значнага павелічэння ўзаемнага тавараабароту

23 красавіка, Мінск /Юлія Огнева - БЕЛТА/. Беларусь і Фінляндыя маюць патэнцыял для значнага павелічэння ўзаемнага тавараабароту. Аб гэтым заявіў сёння журналістам намеснік старшыні Беларускай гандлёва-прамысловай палаты Уладзімір Улаховіч перад адкрыццём беларуска-фінляндскага бізнес-форуму, перадае карэспандэнт БЕЛТА.

"Тавараабарот дзвюх краін невялікі - $161 млн у 2014 годзе. Прычым ён адмоўны адносна Беларусі - нашага экспарту менш, чым імпарту з Фінляндыі. Але вось гэты форум і інтарэс да яго фінскага бізнесу прадугледжвае, што мы павінны збалансаваць і значна павялічыць тавараабарот, таму што лічбы невялікія, а патэнцыял ёсць", - адзначыў Уладзімір Улаховіч.

Паводле яго слоў, фінскія партнёры зацікаўлены выходзіць праз Беларусь на рынак Еўразійскага эканамічнага саюза. Для Беларусі Фінляндыя цікавая як важны партнёр з пункту гледжання асваення скандынаўскага рынку. "Мы апынуліся ў падобнай сітуацыі: Фінляндыя стараецца мінімізаваць страты, якія ў яе атрымаліся на вялікім расійскім рынку, а Беларусь вырашае пытанні па дыверсіфікацыі свайго экспарту", - канстатаваў Уладзімір Улаховіч.

Ён адзначыў, што БелГПП актыўна праводзіць двухбаковыя бізнес-форумы ўніверсальнага характару з удзелам прадстаўнікоў самых розных галін. "Але ў гэтым выпадку нашы фінскія партнёры актывізавалі два напрамкі для развіцця супрацоўніцтва - энергетыка, у тым ліку альтэрнатыўная, і дрэваапрацоўка, уключаючы вытворчасць паперы", - растлумачыў намеснік старшыні БелГПП.

У сваю чаргу намеснік дзяржаўнага сакратара МЗС Фінляндыі Маці Антанен адзначыў, што беларуска-фінляндскія адносіны развіваюцца і маюць патэнцыял для актывізацыі супрацоўніцтва ў розных сферах. "Перш за ўсё гэта лясная гаспадарка - у Фінляндыі шмат лесу, як і ў Беларусі. З гэтай сферай непасрэдна звязана іншая - энергаэфектыўнасці. Таксама мы актыўна можам супрацоўнічаць з Беларуссю ў сферы альтэрнатыўных крыніц энергіі, напрыклад, па распрацоўцы тарфяных радовішчаў", - канстатаваў ён.

Маці Антанен расказаў, што кожны лістапад у Фінляндыі праводзіцца форум для новых кампаній з усяго свету, якія могуць сустрэцца і абмеркаваць магчымасці супрацоўніцтва і развіцця. "У бягучым годзе мы запрашаем беларускія кампаніі для таго, каб яны прынялі ўдзел у гэтым мерапрыемстве", - адзначыў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску