У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Ліп 2018

У "Вялікім камені" адкрылі будаўнічы гарадок для падрадных арганізацый

9 ліпеня, Мінск /Кар. БЕЛТА/. У Кітайска-беларускім індустрыяльным парку "Вялікі камень" адкрылі будаўнічы гарадок для падрадных арганізацый, перадае карэспандэнт БЕЛТА.

У цырымоніі адкрыцця прыняў удзел намеснік прэм'ер-міністра Анатоль Калінін. "Сёння мы адкрываем будаўнічы гарадок, дзе больш як 1,5 тыс. чалавек могуць зручна і камфортна пражываць", - падкрэсліў віцэ-прэм'ер.

На тэрыторыі плошчай 7 га падрыхтавана пяць забяспечаных неабходнай інжынернай інфраструктурай пляцовак для размяшчэння пяці падрадных арганізацый. Створана таксама інфраструктура для правядзення вольнага часу: універсальная спартыўная пляцоўка, зона з трэнажорамі для заняткаў на вуліцы, кантэйнерны гарадок для аб'ектаў бытавога абслугоўвання і адпачынку.

Стварэнне гэтай інфраструктуры забяспечана і прафінансавана Кампаніяй па развіцці індустрыяльнага парка. Заязджаюць у свае новыя гарадкі такія буйныя будаўнічыя кампаніі КНР, вядомыя на беларускім рынку, як Кітайская карпарацыя інжынірынгу САМС, Кітайская карпарацыя металургіі і будаўніцтва МСС15, 25-я кампанія Кітайскай карпарацыі па чыгуначным будаўніцтве, "Пекін юні-канстракшн груп", "СІГІКОП-Бел". Гэтыя кампаніі будуць сумесна кіраваць гэтай тэрыторыяй і інфраструктурай шляхам спецыяльна створанага кіруючага камітэта.

Як адзначыў галоўны выканаўчы дырэктар СЗАТ "Кампанія па развіцці індустрыяльнага парка" Ху Чжэн, за тры гады ў парку адбыліся вялікія змяненні. "Мы можам сказаць, што гэтыя змяненні былі вынікам карпатлівай работы нашых будаўнікоў, і мы павінны выбудоўваць аптымальныя ўмовы для іх жыцця. Таму мы спадзяёмся, што днём нашы будаўнікі будуць рупліва працаваць, а вечарам добра адпачываць у будаўнічым гарадку", - падкрэсліў ён.

Кіраўнік Адміністрацыі парка Аляксандр Ярашэнка таксама звярнуў увагу, што стварэнне будаўнічага гарадка - знамянальная падзея для індустрыяльнага парка. "Хачу запэўніць, што вам, будаўнікам, у гэтым гарадку будзе камфортна, і што мы створым усе ўмовы, каб ваш настрой, ваш стан быў найлепшым, паколькі ад вас залежыць ход рэалізацыі ўсяго нашага праекта", - канстатаваў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску