Бізнес-навіны

У МЗС расказалі аб экспарце беларускага калію на фоне зняцця амерыканскіх санкцый

Фота з архiва

16 снежня, Масква /Эдуард Півавар - БЕЛТА/. Першы намеснік міністра замежных спраў Беларусі Сяргей Лукашэвіч на палях дзелавога форуму "Беларусь - Афрыка" для акрэдытаваных у Маскве дыпмісій афрыканскіх і блізкаўсходніх дзяржаў пракаменціраваў журналістам сітуацыю з пастаўкамі беларускага калію, у тым ліку ў Афрыканскі рэгіён, перадае карэспандэнт БЕЛТА.

"Пастаўкі калійных угнаенняў з Беларусі куды-небудзь - гэта вельмі актуальнае і такое, ведаеце, гарачае пытанне апошнім часам па зразумелых прычынах. Безумоўна, Беларусь з'яўляецца буйнейшым вытворцам калійных угнаенняў, мы ўваходзім у тройку лідараў. Нейкія складанасці, якія ёсць на гэты момант з пастаўкай нашых угнаенняў, таксама агульнавядомыя. І, увогуле, як і агульнавядомыя тыя вынікі, скажам так, поспехі, ціхія поспехі, якія дазваляюць нам прадоўжыць пастаўкі калійных угнаенняў у шэраг краін, там, дзе ёсць неабходнасць перш за ўсё ў калійных угнаеннях", - сказаў Сяргей Лукашэвіч.

"Пастаўка калійных угнаенняў у Афрыку перш за ўсё рэгулюецца запытамі саміх афрыканскіх краін, таму што не ўсюды калій патрэбны як угнаенне, і магчымасцямі гэтых краін па прыняцці беларускага калію. Значыць, гэта перш за ўсё пытанні лагістыкі і пытанні эканамічнай мэтазгоднасці. Як для пакупнікоў, так і для прадаўца", - адзначыў першы намеснік кіраўніка МЗС Беларусі.

версія для друку

зрабіць стартавай

дабавіць у выбранае