У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Снж 2018

У час візіту Прэзідэнта Судана ў Беларусь падпісана кантрактаў на $250 млн

У час візіту Прэзідэнта Судана ў Беларусь падпісана кантрактаў на $250 млн

10 снежня, Мінск /Кар. БЕЛТА/. Беларусь і Судан у час афіцыйнага візіту ў Беларусь Прэзідэнта Судана Амара Хасана Ахмеда аль-Башыра падпісалі кантракты на $250 млн, паведаміў сёння журналістам Надзвычайны і Паўнамоцны Пасол Беларусі ў Судане па сумяшчальніцтве Сяргей Рачкоў перад пачаткам беларуска-суданскага бізнес-форуму, перадае карэспандэнт БЕЛТА.

"За гэтыя дні (учора і сёння) падпісана 17 дакументаў. Гэта не толькі пагадненні і дагаворы, але і кантракты з канкрэтнымі сумамі, - сказаў пасол. - Агульная сума - $250 млн. Мы лічым, што гэта паспяховы візіт, паспяховыя перагаворы".

На думку Сяргея Рачкова, ёсць значныя перспектывы ў плане развіцця двухбаковага супрацоўніцтва. Ёсць пэўныя напрацоўкі, у прыватнасці, па прыцягненні ў нашу краіну кампаній з суданскім капіталам (у банкаўскі сектар, а таксама сферу нерухомай маёмасці). "Вельмі спадзяёмся на работу "Амкадора". У прапрацоўцы кантракт на пастаўку 123 адзінак тэхнікі", - дадаў пасол. Пры гэтым размова ідзе не толькі аб пастаўках тэхнікі, але і аб падрыхтоўцы кадраў для Судана. Як падкрэсліў Сяргей Рачкоў, сёння ўжо нікога не цікавіць толькі збыт прадукцыі - важна развіваць эканамічнае супрацоўніцтва.

Старшыня Беларускай гандлёва-прамысловай палаты Уладзімір Улаховіч у сваю чаргу адзначыў, што супрацоўніцтва дзвюх краін развіваецца даволі дынамічна. На працягу апошняга года зроблены крокі, якія адкрываюць новыя магчымасці. Пры гэтым кіраўнік БелГПП лічыць, што ёсць сэнс гаварыць і пра субрэгіянальнае супрацоўніцтва. "Калі мы ствараем машынабудаўнічы цэнтр, то прадукцыя павінна быць разгледжана і на іншых бліжэйшых рынках", - заявіў ён.

У цэлым, гаворачы аб перспектыўных напрамках двухбаковага супрацоўніцтва, Уладзімір Улаховіч падкрэсліў, што іх пералік даволі шырокі. Гэта ўзаемадзеянне ў аграпрамысловым сектары, у асваенні карысных выкапняў, развіцці інфраструктуры, лагістыкі і іншае. Нейкія напрамкі могуць быць абазначаны сёння на бізнес-форуме, удзел у якім прымаюць каля 40 беларускіх прадпрыемстваў, а таксама 9 суданскіх кампаній, якія ўпаўнаважаны прадстаўляць цэлыя галіны.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску