У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Май 2019

У Беларусі шмат магчымасцей для развіцця прыватнага сектара - ЕБРР

У Беларусі шмат магчымасцей для развіцця прыватнага сектара - ЕБРР

14 мая, Мінск /Кар. БЕЛТА/. У Беларусі за апошнія 10-15 гадоў даволі прыкметна вырас прыватны сектар эканомікі, з'явілася шмат кампаній, з якімі хацеў бы працаваць Еўрапейскі банк рэканструкцыі і развіцця (ЕБРР). Аб гэтым паведаміў 14 мая журналістам на Дні фінансавых інстытутаў кіраўнік прадстаўніцтва ЕБРР у Беларусі Аляксандр Піваварскі, перадае карэспандэнт БЕЛТА.

"Мы лічым, што ў Беларусі шмат магчымасцей, і хацелі б разам іх развіваць, - сказаў кіраўнік прадстаўніцтва. - У краіне даволі значна вырас прыватны сектар, а наша асноўная мэта, нягледзячы на тое, што шмат працуем з дзяржсектарам, - падтрымліваць развіццё прыватнага сектара. За апошнія 10-15 гадоў у краіне з'явілася шмат цікавых кампаній, якія мы хочам падтрымаць, хочам з імі працаваць".

Пры гэтым, паводле слоў кіраўніка прадстаўніцтва, часта замежныя інвестары не ведаюць, наколькі прывабны рынак Беларусі. У ліку пераваг ён назваў вельмі добрую інфраструктуру. "Гэта так важна для многіх інвестараў: можна ў любым рэгіёне што-небудзь пабудаваць, адкрыць, даволі хутка дабрацца куды заўгодна", - дадаў Аляксандр Піваварскі.

"Таксама тут вельмі добрая інстытуцыянальнае асяроддзе, мала карупцыі, даволі лёгка і транспарэнтна можна весці бізнес", - дадаў кіраўнік прадстаўніцтва. Акрамя таго, ён адзначыў высокі ўзровень падрыхтоўкі прафесіянальных кадраў. У Беларусі добрая сістэма прафадукацыі, таму інвестары могуць даволі хутка знайсці людзей з добрай кваліфікацыяй.

Аляксандр Піваварскі падзяліўся і сваім бачаннем, у якім напрамку трэба актыўней працаваць беларускім банкам. Ён адзначыў станоўчую тэндэнцыю развіцця камерцыйнага напрамку ў рабоце дзяржаўных банкаў з прыватным сектарам, малым і сярэднім бізнесам. Разам з тым банкам трэба "глыбей укараняцца ў гэты напрамак".

Кіраўнік прадстаўніцтва Сусветнага банка ў Беларусі Аляксандр Крэмер звярнуў увагу, што ў Сусветнага банка наладжаны добры дыялог з беларускім урадам. "У нас шырокая праграма, якая вырасла за апошнія пяць гадоў, выраслі і аб'ёмы крэдытавання. У асноўным наша работа сканцэнтравана на абнаўленні дарожнай карты структурных рэформ, у прыватнасці, на сацыяльных пытаннях, а таксама іншых пытаннях супрацоўніцтва. За 18 месяцаў, якія тут знаходжуся, я адчуў значнае пацяпленне і большае разуменне неабходнасці інвесціраваць у прыватны сектар", - сказаў ён.

Аляксандр Крэмер абазначыў шэраг праектаў, па якіх бакі будуць супрацоўнічаць у бліжэйшай перспектыве: у галіне газазабеспячэння, павышэння энергаэфектыўнасці жылля, а таксама па будаўніцтве станцый ачысткі ад прымясей жалеза. Найбольш цікавы, на яго думку, праект па фінансаванні школ у разліку на аднаго вучня.

Дзень фінансавых інстытутаў Беларусбанка праводзіцца другі раз. Асноўная мэта мерапрыемства - давесці да замежных партнёраў і кліентаў інфармацыю аб выніках дзейнасці банка за мінулы год, прадаставіць магчымасць у свабодным фармаце абмеркаваць надзённыя пытанні. На думку ўдзельнікаў, гэта новая платформа для наладжвання дзелавых сувязей і ўмацавання ўжо існуючых кантактаў з дзелавымі партнёрамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску