12 кастрычніка, Мінск /Кар. БЕЛТА/. У Беларусь прыбылі сёння мытныя эксперты Еўрапейскага саюза для ацэнкі патэнцыялу беларускай мытні па ўкараненню сістэмы папярэдняга паведамлення. Аб гэтым паведамілі карэспандэнту БЕЛТА ў прэс-службе Дзяржаўнага мытнага камітэта.
Сёння адбылася сустрэча мытных экспертаў ЕС са старшынёй ДМК Беларусі Аляксандрам Шпілеўскім. Гэта другі візіт еўрапейскіх спецыялістаў у рэспубліку. Мытная служба Беларусі лічыць гэта ключавым момантам адносін з Еўрасаюзам і яшчэ адной магчымасцю стварэння спрыяльных умоў для перамяшчэння тавараў, падкрэслілі ў камітэце.
Акрамя таго, знаходжанне экспертаў Еўрасаюза дае магчымасць беларускай мытнай службе прадэманстраваць вынікі ў стварэнні эфектыўных мытных працэдур на граніцы, а таксама абмеркаваць актуальныя пытанні мытнага кантролю, развіцця інфармацыйных тэхналогій, тэхнічнай дапамогі.
У час знаходжання місіі запланавана наведванне экспертамі пунктаў мытнага афармлення ў Мінску і непасрэдна ў пунктах пропуску на граніцы.-0-
Пн | Аўт | Сер | Чцв | Пт | Сб | Нядз |
---|