У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Кст 2017

У Беларусі працуюць над магчымасцю прасоўваць прадукцыю ў трэція краіны з дапамогай фінансавых механізмаў Расіі

Аляксандр Агароднікаў. Фота Сучаснага партала Чарапаўца13 кастрычніка, Чарапавец /Эдуард Півавар - БЕЛТА/. У Беларусі прапрацоўваецца магчымасць прасоўвання беларускай прамысловай прадукцыі на рынкі трэціх краін з выкарыстаннем фінансавых механізмаў Расіі і асобных расійскіх банкаў. Аб гэтым паведаміў журналістам у Чарапаўцы намеснік міністра прамысловасці Беларусі Аляксандр Агароднікаў, перадае карэспандэнт БЕЛТА.

"Я, можа, прыадкрыю невялікую таямніцу - пакуль вядзецца работа на ўзроўні спецыяльна створанай рабочай групы, - сказаў Аляксандр Агароднікаў. - Але мы плануем прасоўванне прадукцыі на рынкі трэціх краін з выкарыстаннем у тым ліку фінансавых механізмаў Расіі і асобных расійскіх банкаў. Такі механізм прапрацоўваецца на ўзроўні нарматыўнага акта кіраўніка дзяржавы. Спадзяёмся, што да канца гэтага года такі дакумент з'явіцца".

Намеснік міністра падкрэсліў, што перад Беларуссю і Расіяй стаіць агульная задача - выходзіць на рынкі трэціх краін. "Мы ўспомнілі, як узаемадзейнічалі ў часы Савецкага Саюза, цяпер мы пачалі гэта ўзаемадзеянне аднаўляць, - адзначыў ён. - Беларускі прадукт - канкурэнтаздольны, 21 працэнт у экспарце беларускіх прамысловых тавараў складае далёкае замежжа. Гэта не рынкі краін былога СССР, гэта тыя рынкі, на якіх цяжэй канкурыраваць, тыя, дзе нас яшчэ 15-20 гадоў таму наогул не ведалі. А для таго, каб прыйсці на новы рынак з такой складанай тэхнікай, абсталяваннем, трэба, па-першае, патраціць вялікія інвестыцыі, каб арганізаваць сэрвіс. Таму што без арганізацыі сэрвісу няма ўваходу на рынак. Па-другое, патрэбны даволі вялікія інвестыцыі ў арганізацыю дэманстрацыйных пляцовак. І калі ты ўпершыню прыйшоў на рынак, то неабходны адтэрміноўкі пакупніку, каб ён паверыў у твой тавар".

Аляксандр Агароднікаў у Чарапаўцы прыняў удзел у адкрыцці новай канвеернай лініі па зборцы трактароў "Беларус" магутнасцю звыш 120 к.с. на Чарапавецкім ліцейна-механічным заводзе. Яго размова з беларускімі і расійскімі журналістамі адбылася па праграме прэс-туру "Валагодская зямля - буйнейшы машынабудаўнічы кластар Расіі і Беларусі", арганізаванага Пастаянным камітэтам Саюзнай дзяржавы і Міжнародным інфармацыйным агенцтвам "Расія сёння".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс