Бізнес-навіны

У Беларусі прапануюць пабудаваць дата-цэнтр з выкарыстаннем атамнай энергетыкі

6 сакавіка, Мінск /Кар. БЕЛТА/. У Беларусі прапануюць пабудаваць вялікі цэнтр апрацоўкі даных з магчымым выкарыстаннем атамнай энергетыкі для яго забяспечанасці. Аб гэтым Прэзідэнту Беларусі Аляксандру Лукашэнку расказаў намеснік кіраўніка Адміністрацыі Прэзідэнта Расіі Максім Арэшкін, перадае карэспандэнт БЕЛТА.

Гаворачы пра сумеснае развіццё платформеннай эканомікі, Максім Арэшкін адзначыў, што гэта патрабуе будаўніцтва новай інфраструктуры. Вялікі лагістычны цэнтр ужо будуецца ў індустрыяльным парку "Вялікі камень".

"Яшчэ два ў планах: у Мінскай вобласці і ў Оршы. Гэта вялікі аб'ём інвестыцый. Але гэта не толькі лагістыка. Калегі разглядаюць магчымасць будаўніцтва ў Беларусі вялікага цэнтра апрацоўкі даных. Ёсць пэўныя электраэнергетычныя магутнасці, якія можна выкарыстоўваць", - сказаў Максім Арэшкін.

"Атамную станцыю", - удакладніў кіраўнік Адміністрацыі Прэзідэнта Беларусі Дзмітрый Крутой.

версія для друку

зрабіць стартавай

дабавіць у выбранае