Бізнес-навіны

У Беларусі намалацілі больш за 5 млн тон збожжа

Фота з архiва

5 жніўня, Мінск /Кар. БЕЛТА/. У Беларусі намалацілі больш за 5 млн т збожжа, паведамілі БЕЛТА ў прэс-службе Міністэрства сельскай гаспадаркі і харчавання.

Паводле аператыўных даных на 5 жніўня 2026 года, у Беларусі намалочана збожжа з улікам рапсу 5 млн 291 тыс. т. Гэта амаль на 2 млн  т больш, чым у гэты ж перыяд мінулага года.

У разрэзе абласцей намалочана: Брэсцкая - 1 млн 360 тыс. т, Мінская - 1 млн 246 тыс. т, Гродзенская - 994 тыс. т, Гомельская - 751 тыс. т, Магілёўская - 554 тыс. т, Віцебская - 386 тыс. т.

Убрана культур на зерне (з улікам рапсу, без кукурузы) на 1 млн 456 тыс. га, што складае 60% ад агульнай плошчы 2 млн 432 тыс. га.

Выцераблена лёну на плошчы 36 тыс. га, што складае 82% ад плана.

У лік дзяржзаказу пастаўлена: харчовага збожжа - 163 тыс. т (24% ад плана 663 тыс. т), алейнага семя рапсу - 85 тыс. т (85% ад плана 100 тыс. т), піваварнага ячменю - 37 тыс. т (44% ад плана 86 тыс. т).

Скошана траў другім укосам на плошчы 750 тыс. га, што складае 74% ад плана 1 млн 10 тыс. га.

Нарыхтавана сена 470 тыс.т - 66% ад плана. Сіласу нарыхтавана 365 тыс. т, што складае 2% ад плана 20 млн 519 тыс.т. Травяных кармоў нарыхтавана 3 млн 486 тыс. т кармавых адзінак, што складае 34% ад плана 10 млн 131 тыс. т. Сенажу нарыхтавана 11 млн 232 тыс. т, што складае 78% ад плана 14 млн 309 тыс. т.

Наяўнасць мінеральных угнаенняў (азотных, фосфарных, калійных) пад азімую сяўбу - 197 тыс. т дзеючага рэчыва, што складае 114% да плана.

версія для друку

зрабіць стартавай

дабавіць у выбранае