У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

29 Сак 2018

У Беларусі наладзяць вытворчасць лыжаролераў, лыжных чаравікаў і ратракаў

29 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка даручыў наладзіць у краіне вытворчасць лыжаролераў, лыжных чаравікаў і ратракаў (гусенічны транспарт для падрыхтоўкі лыжных трас). Аб гэтым кіраўнік дзяржавы расказаў сёння ў час размовы з алімпійскімі і паралімпійскімі чэмпіёнамі Беларусі, перадае карэспандэнт БЕЛТА.

"Я даручыў зрабіць свае лыжаролеры старшыні Наглядальнага савета (Беларускай федэрацыі біятлона. - Заўвага БЕЛТА) Вакульчыку. Ён цяпер гэтым займаецца", - паведаміў Аляксандр Лукашэнка.

Вытворчасцю лыжных чаравікаў для спартсменаў-пачынальнікаў павінна заняцца кампанія "Марко", а канструктары Мінскага трактарнага завода ўжо распрацоўваюць ратракі.

"Трэба, каб зрабілі ўсё. Калі не могуць адразу зрабіць, закупім. Але неабходна зрабіць гэта ўсё ў сябе", - падкрэсліў Прэзідэнт.

Кіраўнік дзяржавы звярнуў увагу, што ў краіне сур'ёзна ўзяліся за падрыхтоўку лыжнікаў і біятланістаў. Плануецца на працягу лета паставіць у спецыялізаваныя трэніровачныя цэнтры снегавыя пушкі, ратракі і неабходны інвентар. Гэтыя пытанні кантралюе кіраўнік Адміністрацыі Прэзідэнта Наталля Качанава.

Створаць неабходныя ўмовы для трэніровак і ў рэгіёнах. Прадумаюць таксама арганізацыю там лыжаролерных трас.

Акрамя таго, плануецца наладзіць на "Целяханах" выпуск больш сучасных і якасных лыж. Прэзідэнт адзначыў, што, магчыма, і сам наведае завод, каб больш падрабязна азнаёміцца з яго прадукцыяй і асаблівасцямі вытворчасці.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс