У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Ліс 2015

У Беларусь да 2020 года будуць прыцягнуты вядучыя камерцыйныя банкі сусветнага ўзроўню

4 лістапада, Мінск /Юлія Огнева - БЕЛТА/. У Беларусь да 2020 года будуць прыцягнуты вядучыя камерцыйныя банкі сусветнага ўзроўню. Аб гэтым заявіў сёння першы намеснік міністра эканомікі Аляксандр Забароўскі на канферэнцыі "Эканоміка Беларусі: зноў перад выбарам", перадае карэспандэнт БЕЛТА.

"Працуючы з Еўрапейскім банкам рэканструкцыі і развіцця, мы ставім за мэту прыцягнуць да 2020 года ў банкаўскі сектар краіны камерцыйныя банкі вядучага, сусветнага ўзроўню. Гэта не толькі дыверсіфікуе нашу банкаўскую сістэму, але і павысіць канкурэнцыю на рынку капіталу", - адзначыў Аляксандр Забароўскі. Паводле яго слоў, адным з ключоў да перазапуску эканамічнага росту на здаровай аснове з'яўляецца прыход у банкаўскую сістэму вялікіх прыватных банкаў, прыцягненне вядучых сусветных фінансавых устаноў. "Дарожная карта, якая рэалізуецца намі з ЕБРР, - гэта канкрэтныя дзеянні, якія будуць таму садзейнічаць", - растлумачыў ён.

Аляксандр Забароўскі канстатаваў, што прынята ўжо рашэнне па стварэнні ў 2016 годзе мегарэгулятара фінансавага рынку на базе Нацыянальнага банка. "Гэта яшчэ адна структурная мера дарожнай карты рэформ, якая дасць магчымасць надаць новы імпульс развіццю рынку капіталу і банкаўскага фінансавання, якія застаюцца пакуль недастаткова развітымі", - адзначыў ён.

Першы намеснік міністра падкрэсліў, што развіццё паўнацэннага фінансавага рынку, паэтапная лібералізацыя руху капіталу, свабодная купля-продаж акцый прадпрыемстваў усіх форм уласнасці задаюць доўгатэрміновы парадак дня для развіцця ўсяго фінансавага сектара Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс