Бізнес-навіны

У Арэнбургу адкрыўся магазін-шоўрум, дзе прадстаўлены беларускія брэнды

Фота з архiва

9 снежня, Мінск /Кар. БЕЛТА/. Магазін-шоўрум LEGKO адкрыўся сёння ў Арэнбургу. Гэты праект - вынік супрацоўніцтва канцэрна "Беллегпрам" і Асацыяцыі прадпрыемстваў лёгкай прамысловасці Арэнбуржжа, паведаміла карэспандэнту БЕЛТА прэс-сакратар канцэрна Марына Васькевіч.

LEGKO - гэта ўнікальная шматфункцыянальная прастора, якая аб'ядноўвае пляцоўку для нетворкінгу, зоны для атэльераў і стылістаў, лакальных брэндаў, тэрыторыі продажу гатовага адзення, тавараў для дома і тканін.

У шоўруме прадстаўляюць прадукцыю вядучыя прадпрыемствы "Беллегпрама" - Аршанскі льнокамбінат, "Камволь", "Магатэкс", "Галантэя", "Світанак", "Белкрэда" і "Бабруйсктрыкатаж".

Як адзначылі ў прэс-службе, кіраўнік "Беллегпрама" Таццяна Лугіна з'яўляецца сустаршынёй сумеснай рабочай групы па супрацоўніцтве Беларусі і Арэнбургскай вобласці.

версія для друку

зрабіць стартавай

дабавіць у выбранае