Бізнес-навіны

У Арэнбургскую вобласць за 10 гадоў пастаўлена больш за 2,5 тыс. трактароў BELARUS

Фота з архiва

5 лютага, Мінск /Кар. БЕЛТА/. У Арэнбургскую вобласць за апошнія 10 гадоў пастаўлена больш за 2,5 тыс. трактароў BELARUS, паведамілі БЕЛТА ў прэс-службе Мінскага трактарнага завода.

У МТЗ дадалі, што гэта колькасць трактароў складае 53,9 працэнта ад агульнай колькасці закупленых расійскім рэгіёнам машын.

Супрацоўніцтва з Арэнбургскай вобласцю прадаўжаецца і па іншых напрамках - фірменная аўдыторыя BELARUS адкрылася ў Арэнбургскім аграрным каледжы імя В.М. Чардзінцава. "Гэта важны крок у падрыхтоўцы кваліфікаваных спецыялістаў для аграпрамысловага комплексу рэгіёна. Сельгаспрадпрыемствы і адукацыйныя ўстановы - адзіная сістэма, удзел работадаўцаў у падрыхтоўцы мае асаблівае значэнне. Новы клас стане тэхнічнай пляцоўкай для навучання будучых спецыялістаў, што пазітыўна паўплывае на развіццё ўсёй галіны", - адзначыў першы віцэ-губернатар Арэнбургскай вобласці Сяргей Балыкін.

Адкрыццё агракласа стала магчымым пры падтрымцы кампаніі "Аўтацэнтр", афіцыйнага дылера Мінскага трактарнага завода.

версія для друку

зрабіць стартавай

дабавіць у выбранае