VI Усебеларускі народны сход
Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

19 Лют 2019

Турцыя дзеліцца з Беларуссю вопытам у сферы міжнародных будаўнічых паслуг

Турцыя дзеліцца з Беларуссю вопытам у сферы міжнародных будаўнічых паслуг
Фота пасольства Беларусі ў Турцыі

19 лютага, Мінск /Кар. БЕЛТА/. У Стамбуле 18-22 лютага праходзіць семінар для беларускіх будаўнічых і праектных прадпрыемстваў з мэтай абмену вопытам па пытаннях развіцця экспарту падрадных паслуг і рэалізацыі праектаў дзяржаўна-прыватнага партнёрства. Аб гэтым БЕЛТА паведамілі ў пасольстве Беларусі ў Турцыі.

Арганізатарамі семінара з турэцкага боку выступілі міністэрства гандлю Турцыі і асацыяцыя падрадчыкаў Турэцкай Рэспублікі ТМВ.

"Вопыт турэцкіх кампаній вельмі карысны для беларускага будаўнічага комплексу. Праграма семінара ўключае вывучэнне дасягненняў турэцкага падраднага сектара ў сусветным будаўніцтве, пошуку праектаў, прыцягненні фінансавых рэсурсаў, страхаванні і кіраванні рызыкамі", - адзначылі ў дыпмісіі.

Асобная ўвага ўдзелена тэхналогіям і методыцы падрыхтоўкі праектаў дзяржаўна-прыватнага партнёрства, якія з'яўляюцца будучым міжнароднага будаўніцтва.

Беларускую дэлегацыю ў Турцыі прадстаўляюць кіраўнікі буйных будаўнічых прадпрыемстваў Мінскай вобласці і іншых рэгіёнаў Беларусі. У ходзе візіту беларускія прадстаўнікі наведаюць знакавыя будаўнічыя аб'екты Стамбула і азнаёмяцца з тэхналогіямі іх пабудовы і арганізацыі фінансавання. Сярод такіх аб'ектаў варта вылучыць новы аэрапорт Стамбула, канал Еўразія і трэці мост Стамбула, які аб'ядноўвае еўрапейскую і азіяцкую часткі Турцыі.

Турцыя - другі экспарцёр будаўнічых паслуг у свеце пасля Кітая. Асацыяцыя падрадчыкаў ТМВ з'яўляецца буйнейшым саюзам будаўнічых арганізацый Турцыі. Цяпер членамі ТМВ з'яўляюцца каля 120 прадпрыемстваў, якія забяспечваюць 95 працэнтаў экспарту падрадных паслуг краіны. Да 2019 года прадпрыемствы асацыяцыі рэалізавалі міжнародных праектаў на суму каля $400 млрд.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход