У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Лют 2016

Туркменістан гатовы пастаўляць у Беларусь фітачай з мясцовых лекавых раслін

3 лютага, Мінск /Кар. БЕЛТА/. Туркменістан гатовы пастаўляць у Беларусь фітачай з мясцовых лекавых раслін. Аб гэтым ішла размова сёння на сустрэчы Надзвычайнага і Паўнамоцнага Пасла Беларусі ў Туркменістане Алега Табанюхава з міністрам аховы здароўя і медыцынскай прамысловасці Туркменістана Нурмухамедам Аманнепесавым, паведамілі БЕЛТА ў прэс-службе МЗС Беларусі.

Бакі абмеркавалі розныя напрамкі беларуска-туркменскага супрацоўніцтва ў галіне медыцыны і аховы здароўя. Пры гэтым адзначана, што асаблівую значнасць для двухбаковых адносін у гэтай сферы мае практычная падрыхтоўка і павышэнне кваліфікацыі туркменскіх спецыялістаў у вядучых медыцынскіх цэнтрах Беларусі.

У час сустрэчы туркменскі бок выказаў зацікаўленасць у паглыбленні ўзаемадзеяння ў галіне спартыўнай медыцыны, кардыяхірургіі, траўматалогіі, дзіцячай хірургіі і іншых напрамках медыцыны, а таксама ў закупцы беларускіх лекавых прэпаратаў. У сваю чаргу Туркменістан готовы пастаўляць у Беларусь перавязачныя матэрыялы.

Субяседнікі адзначылі, што пацвярджэннем высокага ўзроўню беларуска-туркменскага ўзаемадзеяння з'яўляюцца вынікі супрацоўніцтва ў 2015 годзе. Так, у беларускіх медыцынскіх установах прайшлі лячэнне больш за 100 грамадзян Туркменістана, у 1,8 раза ўзраслі пастаўкі беларускіх лякарстваў, штогод павялічваецца колькасць туркменскіх студэнтаў беларускіх медыцынскіх ВНУ, а таксама спецыялістаў, якія прайшлі стажыроўку ў Беларусі.

Удзельнікі сустрэчы пацвердзілі зацікаўленасць у далейшым пашырэнні ўзаемавыгаднага супрацоўніцтва ў сферы аховы здароўя.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску