У Беларусь без візы на 30 дзён
Афіцыйны сайт Рэспублікі Беларусь
Бізнес
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Стд 2020

Цана расійскага газу для Беларусі ў студзені-лютым захаваецца на ўзроўні $127 за 1 тыс. куб.м - Мінэнерга

3 студзеня, Мінск /Кар. БЕЛТА/. Цана расійскага газу для Беларусі ў студзені-лютым захаваецца на ўзроўні  $127 за 1 тыс. куб.м, паведамілі карэспандэнту БЕЛТА ў прэс-службе Міністэрства энергетыкі Беларусі.

У прэс-службе нагадалі, што ў Маскве 31 снежня 2019 года адбылася рабочая сустрэча пасла Беларусі ў РФ Уладзіміра Сямашкі і міністра энергетыкі Беларусі Віктара Каранкевіча са старшынёй праўлення ПАТ "Газпрам" Аляксеем Мілерам.

"Бакі абмеркавалі пытанні ўзаемадзеяння ў газавай сферы ў 2020 годзе, уключаючы пытанне вызначэння цаны на расійскі прыродны газ, што пастаўляецца ў Рэспубліку Беларусь. Па выніках сустрэчы бакі падпісалі пратакол паміж урадам Беларусі і ПАТ "Газпрам", у якім агаворваецца, што ў студзені і лютым бягучага года пастаўкі газу ў Беларусь будуць ажыццяўляцца па цане на ўзроўні 2019 года ($127 за 1 тыс. куб.м)", - расказалі ў прэс-службе.

"Перагаворны працэс аб пастаўках прыроднага газу ў Беларусь паміж бакамі прадаўжаецца", - дадалі ў Мінэнерга.

Як паведамлялася, 31 снежня 2019 года Расія і Беларусь падпісалі пратакол аб цэнах на газ на студзень-люты 2020-га. Таксама падпісаны дадаткі да кантрактаў на транзіт і пастаўку газу з "Газпрам трансгаз Беларусь", якія падаўжаюць іх да 2021 года. У адпаведнасці з падпісанымі дакументамі, кантрактныя аб'ёмы паставак і транзіту ў 2020 годзе захаваны на ўзроўні 2019 года, паведамляў "Газпрам".

У 2019 годзе цана на газ для Беларусі была фіксаванай і складала $127 за 1 тыс. куб.м на граніцы. У рэспубліканскім бюджэце на 2020 год гэты параметр закладзены на ўзроўні 2019 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс