Бізнес-навіны

"Трэба паэксперыментаваць". Лукашэнка прапанаваў варыянт для паляпшэння ўрадлівасці пясчанай глебы

10 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка прапанаваў эксперымент з угнаеннямі, які можа павысіць урадлівасць пясчанай глебы. Аб гэтым ён заявіў, заслухоўваючы даклад па пытаннях бягучай дзейнасці Нацыянальнага банка ў кантэксце задач эканамічнага развіцця краіны, перадае карэспандэнт БЕЛТА.

Прэзідэнт звярнуў увагу, што ў Беларусі ёсць палі, якія размешчаны на ўзгорках і прадстаўлены пясчанымі глебамі. У сувязі з гэтым кіраўнік дзяржавы прапанаваў эксперымент, які можа павысіць якасць гэтых палёў. Размова ідзе аб тым, каб паспрабаваць змяшаць арганічныя ўгнаенні з торфам і адходамі калійнай солі. Такі крок можа павысіць урадлівасць непрыдатных для сельскай гаспадаркі зямель.

"Я нават падумаў: а што калі ўзяць пласт адходаў ад калійнай солі, пласт пакласці арганікі, пласт торфу, усё гэта перамяшаць - што атрымаецца? Напэўна, горш не будзе. Там жа ўсё ж такі частка ўгнаенняў калійных застаецца. Заараць іх, а следам унесці торф і арганічныя ўгнаенні, - сказаў Аляксандр Лукашэнка. - Тое, што будзе лепш для глебы, - гэта дакладна. Але наколькі гэта эканамічна абгрунтавана, трэба паэксперыментаваць. Я гатовы паназіраць. Трэба паглядзець якое-небудзь "беднае" поле і паспрабаваць на нейкім участку. А можа, мы вырашым праблему з адваламі вакол Салігорска".

Прэзідэнт, гаворачы пра тарфяныя ўгнаенні, прывёў у прыклад Кітайскую Народную Рэспубліку, якая закупляе торф у Беларусі і выкарыстоўвае яго для ўгнаення дрэннай глебы: "Вязуць за тысячы кіламетраў... Яны разумеюць, што гэта акупіцца".

версія для друку

зрабіць стартавай

дабавіць у выбранае