Бізнес-навіны

"Трэба ў гэтым напрамку рухацца". Лукашэнка аб значэнні малочнатаварных комплексаў

Фота з архiва

24 красавіка, Мазырскі раён /Кар. БЕЛТА/. Прэзідэнт Беларусі Аляксандр Лукашэнка ў ходзе рабочай паездкі ў Мазырскі раён Гомельскай вобласці выказаўся аб значэнні малочнатаварных комплексаў для сельскай гаспадаркі, перадае карэспандэнт БЕЛТА.

"Што такое малочнатаварны комплекс? Калі мы гэтыя закінутыя землі ператвараем у комплексы, вакол адразу (нават на Палессі, дзе ў вас балоты, лясы, пяскі) мяняецца край. Трэба ў гэтым напрамку рухацца", - заявіў беларускі лідар.

Кіраўнік дзяржавы звярнуў увагу, што такі комплекс патрабуе стварэння трывалай кармавой базы - рацыянальнага выкарыстання ўрадлівых зямель для вырошчвання збожжа і кармавых культур.

"Патрэбны кармы, каб комплекс утрымліваць. Зразумела, што адразу гэта не рване. Трэба час, але неабходна ў гэтым напрамку рухацца", - упэўнены Прэзідэнт.

версія для друку

зрабіць стартавай

дабавіць у выбранае