У Беларусь без візы на 30 дзён
Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Чэр 2019

Італія мае намер падзяліцца з Беларуссю вопытам у развіцці малых і сярэдніх прадпрыемстваў

Італія мае намер падзяліцца з Беларуссю вопытам у развіцці малых і сярэдніх прадпрыемстваў

3 чэрвеня, Мінск /Аліна Грышкевіч - БЕЛТА/.  Італія мае намер падзяліцца з Беларуссю вопытам у развіцці малых і сярэдніх прадпрыемстваў. Аб гэтым заявіў Надзвычайны і Паўнамоцны Пасол Італьянскай Рэспублікі ў  Рэспубліцы Беларусь Марыа Джорджа Стэфана Бальдзі 3 чэрвеня на мерапрыемстве з нагоды нацыянальнага свята Італіі - Дня абвяшчэння Рэспублікі, перадае карэспандэнт БЕЛТА.

Дыпламат падкрэсліў, што мінула больш за 70 гадоў з таго дня, як Італія была абвешчана рэспублікай, і ўвесь гэты перыяд такія каштоўнасці, як свабода, справядлівасць і дэмакратыя прадаўжаюць быць асновай нацыі. "За гэты доўгі перыяд Італія пабудавала паспяховую эканоміку - дзякуючы сістэме малых і сярэдніх прадпрыемстваў. Спадзяёмся перадаць гэты вопыт і Беларусі. Мы працуем у названым напрамку, каб яшчэ больш умацаваць наша дружалюбнае партнёрства, - прадоўжыў пасол. - Нас радуюць добрыя вынікі гандлёвага абароту. Спадзяёмся ў наступным годзе дасягнуць лічбы 1 млрд еўра".

Кіраўнік італьянскай дыпмісіі лічыць важнымі рэзультаты праведзенага ў лютым візіту ў Рым прэм'ер-міністра Сяргея Румаса, па выніках якога двухбаковыя адносіны атрымалі новае развіццё. "Наступнае пасяджэнне міжурадавай камісіі па эканоміцы, якое пройдзе ў Рыме 25 чэрвеня, і форум па зялёнай эканоміцы, што адбудзецца ў Мінску 8 кастрычніка, дадуць новую энергію нашым адносінам", - упэўнены дыпламат.

Ён асабліва адзначыў гуманітарнае супрацоўніцтва паміж краінамі. "Італія ганарыцца тым, што кожны год прымае амаль 10 тыс. беларускіх дзяцей, якія праводзяць у нас свае канікулы. Гэты капітал дружбы і чалавечых адносін - самае каштоўнае ў кантактах паміж Італіяй і Беларуссю", - перакананы пасол. Гэтак жа паспяхова развіваецца палітычны дыялог паміж дзвюма дзяржавамі. "Італія заўсёды дапамагае дыялогу і супрацоўніцтву паміж Беларуссю і Еўрапейскім саюзам у мэтах падпісання пагаднення аб Прыярытэтах партнёрства. Мы спадзяёмся таксама на хуткае падпісанне пагаднення аб спрашчэнні візавага рэжыму, якое адыграе важную ролю ва ўмацаванні адносін паміж грамадзянамі Беларусі і Еўрапейскага саюза, у першую чаргу для моладзі, каб абменьвацца ідэямі, вопытам і разам будаваць лепшую будучыню", - адзначыў кіраўнік італьянскай дыпламатычнай місіі.

На мерапрыемстве працавала выстаўка, прысвечаная творчасці вядомага італьянскага мастака і вучонага Леанарда да Вінчы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс