Бізнес-навіны

14 верасня, Мінск /Кар. БЕЛТА/. Сусветны банк дапаможа Беларусі ў стварэнні дарожнай карты нацыянальнай сістэмы беспапяровага гандлю. Аб гэтым ішла размова на сустрэчы прадстаўнікоў экспертнай групы СБ у Міністэрстве сувязі і інфарматызацыі, паведамілі БЕЛТА ў Мінсувязі.

На сустрэчы абмяркоўвалі рэалізацыю трох асноўных праектаў, што выконваюцца спецыялістамі Сусветнага банка. Гэта стварэнне дарожнай карты нацыянальнай сістэмы беспапяровага гандлю Беларусі, кансалтынгавыя работы ў сферы развіцця лічбавых навыкаў Беларусі, рэалізацыя праграмы па развіцці шырокапалоснай сувязі.

Прадстаўнікі Сусветнага банка адзначылі важнасць супрацоўніцтва з Беларуссю ў сферы стварэння электроннага ўрада.

Сёння ў Мінску пройдзе рэгіянальны семінар "Лічбавая эканоміка: лічбавы гандаль і лічбавыя навыкі". Ён стане падагульняючым мерапрыемствам па абмеркаванні асноўных справаздач, падрыхтаваных па праектах тэхнічнай дапамогі "Садзейнічанне распрацоўцы стратэгіі развіцця ІКТ для Рэспублікі Беларусь" і "Развіццё галіны ІКТ у Рэспубліцы Беларусь", выканаўцам якіх з'яўляецца Сусветны банк.