У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

28 Ліс 2019

Сусветны банк: Беларусь можа скараціць перыяд нізкага росту ВУП за кошт мер структурнага характару

Сусветны банк: Беларусь можа скараціць перыяд нізкага росту ВУП за кошт мер структурнага характару

28 лістапада, Мінск /Кар. БЕЛТА/. Беларусь можа скараціць перыяд нізкага росту ВУП за кошт мер структурнага характару, заявіў эканаміст Сусветнага банка Кірыл Гайдук сёння на прэзентацыі чарговага Эканамічнага агляду СБ для Беларусі, перадае карэспандэнт БЕЛТА.

"Перыяд нізкага росту, куды рызыкуе ўступіць Беларусь, можна скараціць за кошт рэалізацыі мер структурнага характару ўжо ў 2020-2021 гадах. Аб гэтым мы неаднаразова згадвалі - гэта рэструктурызацыя дзяржсектара, для чаго спатрэбіцца ўзмацненне сацыяльнай абароны. Таксама неабходна павышэнне эфектыўнасці фінансавай сістэмы", - сказаў Кірыл Гайдук.

Сусветны банк перагледзеў свой прагноз росту беларускай эканомікі ў бок зніжэння на фоне чаканага пагаршэння знешніх умоў, абмежаваных магчымасцей для стымулявання попыту, а таксама нявызначанасці адносна беларуска-расійскіх перагавораў па пытаннях далейшай эканамічнай інтэграцыі.

У 2019 годзе тэмпы росту эканомікі запаволіліся з-за скарачэння экспарту і цяжкасцей структурнага характару. Паводле прагнозаў СБ, у 2019 годзе рост ВУП складзе 1 працэнт, у 2020-м - 0,9 працэнта, 2021-м - 0,5 працэнта.

Цяперашні прагноз СБ грунтуецца на меркаванні, што кампенсацыі для Беларусі з-за падатковага манеўру ў нафтавай галіне ў Расіі ў 2020-2021 гадах не прадбачыцца. "У сярэдзіне 2019 года прагноз банка будаваўся на тым, што страты будуць кампенсаваны напалавіну. Спачатку Беларусь будзе страчваць не вельмі шмат, але тым не менш, адсутнасць кампенсацыі ўсё роўна ўплывае на бюджэт, гэта выпаданне даходаў ад вывазных пошлін. Ці будуць кампенсацыі і ў якім аб'ёме, калі будуць, мы не ведаем. Цяпер мы зрабілі дапушчэнне, што ў 2020-2021 гадах кампенсацыі не будзе", - растлумачыў Кірыл Гайдук.

"Гэта значыць, прагноз улічвае няпэўнасць вынікаў перагавораў па інтэграцыі, мы не ведаем, да чаго яны прывядуць. Таму прагноз зроблены зыходзячы з таго, што пакуль кампенсацыі няма, і Беларусь будзе карыстацца новымі магчымасцямі для пазык на знешніх рынках", - рэзюмаваў эканаміст СБ.

З таго часу, як Беларусь стала членам Сусветнага банка ў 1992 годзе, СБ прадаставіў краіне крэдытныя рэсурсы на суму $1,9 млрд. Акрамя таго, на рэалізацыю розных праграм было прадастаўлена грантавае фінансаванне ў аб'ёме $31 млн. На гэты момант інвестыцыйны партфель Сусветнага банка ў Беларусі ўключае 9 праектаў на агульную суму $942,7 млн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс