Бізнес-навіны

Субоцін: трэба пашыраць пастаўкі беларускай сельгаспрадукцыі ў краіны далёкага замежжа

4 чэрвеня, Мінск /Кар. БЕЛТА/. Пастаўкі беларускай сельгаспрадукцыі і прадуктаў харчавання ў краіны далёкага замежжа трэба пашыраць, заявіў журналістам член Калегіі (міністр) Еўразійскай эканамічнай камісіі па прамысловасці і аграпрамысловым комплексе Аляксандр Субоцін на палях міжнароднай спецыялізаванай выстаўкі "Белагра-2019", перадае карэспандэнт БЕЛТА.

На пытанне, як вырашаць праблемныя пытанні па пастаўках беларускай сельгаспрадукцыі ў Расію, Аляксандр Субоцін адказаў: "Трэба дамаўляцца і шукаць кампраміс. Трэба актыўна весці перагаворы з прадстаўнікамі нашага асноўнага рынку - Расійскай Федэрацыі. Акрамя таго, трэба зніжаць нашу залежнасць ад расійскага рынку. Як мінімум трэць прадукцыі трэба старацца прадаваць у краіны далёкага замежжа".

У ліку перспектыўных рынкаў ён назваў Кітай, краіны Блізкага Усходу, Афрыкі. "Паступова для беларускіх прадпрыемстваў адкрываецца доступ і ў краіны Еўрапейскага саюза", - адзначыў Аляксандр Субоцін.

версія для друку

зрабіць стартавай

дабавіць у выбранае