Бізнес-навіны

Стратэгія прыватызацыі ў Беларусі абмеркавана ў Дзяржкаммаёмасці з Сусветным банкам і МВФ

17 мая, Мінск /Лілія Крапівіна - БЕЛТА/. Пытанні стратэгіі прыватызацыі ў Беларусі абмеркаваны на сустрэчы ў Мінску кіраўніцтва Дзяржаўнага камітэта па маёмасці з прадстаўнікамі Сусветнага банка і Міжнароднага валютнага фонду, паведамілі карэспандэнту БЕЛТА ў Дзяржкаммаёмасці.

На сустрэчы таксама ішла размова аб стварэнні ў Беларусі агенцтва па інвестыцыях і прыватызацыі. Прадстаўнікі міжнародных фінансавых структур азнаёміліся з тым, як вядзецца выбар прадпрыемстваў - кандыдатаў для ўдзелу ў прыватызацыйным працэсе.

Дэлегацыю Сусветнага банка ўзначаліў дырэктар аддзела Беларусі, Украіны і Малдовы рэгіёну Еўропы і Цэнтральнай Азіі Сусветнага банка Марцін Райзер, Міжнароднага валютнага фонду - пастаянны прадстаўнік МВФ у Беларусі Наталля Калядзіна.-0-

версія для друку

зрабіць стартавай

дабавіць у выбранае