Бізнес-навіны

Снапкоў: Беларусь гатова разглядаць любыя бізнес-ідэі для кааперацыі з Чэлябінскай вобласцю

11 жніўня, Мінск /Кар. БЕЛТА/. Беларусь гатова разглядаць любыя бізнес-ідэі для кааперацыі з Чэлябінскай вобласцю. Аб гэтым заявіў першы намеснік прэм'ер-міністра Беларусі Мікалай Снапкоў у час сустрэчы з губернатарам Чэлябінскай вобласці Аляксеем Тэкслерам, перадае карэспандэнт БЕЛТА.

"Бягучая ваша паездка - самая глыбокая, працяглая, фундаментальная. Вы захацелі паглыбіцца ва ўсе тэмы, зразумець, якія пункты росту могуць быць у супрацоўніцтва паміж нашымі рэгіёнамі. Гэта вельмі прыемна. Праграма вашага візіту насычаная, склад дэлегацыі шырокі, вашы кампаніі прэзентуюць у Мінску сваю прадукцыю. Усё гэта сведчыць аб той значнасці, якую вы надаяце далейшаму паглыбленню супрацоўніцтва, развіццю нашых партнёрскіх сувязей. Як вынік, мы можам канстатаваць нарошчванне аб'ёмаў двухбаковага гандлю. Не лічу, што гэта асноўны паказчык, хутчэй, гэта вынік тых глыбінных унутраных кааперацыйных працэсаў, якія адбываюцца паміж Чэлябінскай вобласцю і Беларуссю. Упэўнены, што будучыня менавіта за імі", - сказаў Мікалай Снапкоў.

Ён падкрэсліў, што мэта сустрэчы - вызначыць планы на доўгатэрміновае супрацоўніцтва. "Не імгненнае, не кан'юнктурнае, а доўгае ўзаемадзеянне, якое дазволіць забяспечыць эканамічны рост і дабрабыт нашых грамадзян. Мы гатовы сёння разглядаць любыя прапановы, любыя кааперацыйныя бізнес-ідэі, накіраваныя на актывізацыю двухбаковага супрацоўніцтва. Але не на кароткі тэрмін, а для доўгатэрміновага аб'яднання нашага інтэлектуальнага, прамысловага, адукацыйнага патэнцыялу", - падкрэсліў першы віцэ-прэм'ер.

версія для друку

зрабіць стартавай

дабавіць у выбранае