Бізнес-навіны

У час перагавораў бакі дамовіліся аб прадаўжэнні самых цесных кантактаў паміж міністэрствамі замежных спраў. Пры гэтым асноўны акцэнт будзе зроблены на развіцці ўзаемавыгадных эканамічных сувязей, эфектыўных інвестыцыйных кантактаў.

У выніку розных прычын тавараабарот паміж Беларуссю і Славеніяй крыху знізіўся. Паводле слоў Уладзіміра Макея, у час перагавораў міністры дамовіліся абмеркаваць гэтыя пытанні на маючым адбыцца ў чэрвені пасяджэнні сумеснай міжурадавай камісіі. Тады ж плануецца абмеркаваць шэраг праектаў, якія дадуць магчымасць вырашыць праблемы ў эканамічных адносінах.

Уладзімір Макей звярнуў увагу, што шэраг славенскіх кампаній ужо актыўна працуюць на рынку Беларусі. У ліку перспектыўных сфер кіраўнік беларускага знешнепалітычнага ведамства назваў фармацэўтыку, энергетыку, будаўніцтва, машынабудаванне, сельскую гаспадарку.

На перагаворах былі закрануты таксама пытанні ўмацавання бяспекі ў рэгіёне. Бакі прадэманстравалі падобныя погляды на падзеі, што адбываюцца. Акрамя таго, Уладзімір Макей і Карл Эр'явец абмеркавалі стан і перспектывы двухбаковых адносін, супрацоўніцтва па лініі Беларусь - ЕС, а таксама ўзаемадзеянне ў міжнародных арганізацыях.

Пераходзячы да супрацоўніцтва ў гуманітарнай сферы, беларускі міністр замежных спраў падзякаваў славенскаму калегу за рэалізацыю праграмы па аздараўленні ў Славеніі беларускіх дзяцей. "Вельмі цэнім гэту дапамогу і ўдзячны за яе нашым славенскім сябрам", - сказаў Уладзімір Макей.

Міністр замежных спраў Беларусі выказаў упэўненасць, што гэты візіт яго славенскага калегі стане важным этапам на шляху далейшага ўмацавання дружалюбных адносін паміж славянскімі краінамі.

Афіцыйны візіту ў Беларусь віцэ-прэм'ера - міністра замежных спраў Славеніі праходзіць па 25 сакавіка. Сёння акрамя перагавораў у МЗС Беларусі адбылася цырымонія падпісання міжнародных дакументаў па развіцці супрацоўніцтсва ў сферы энергетыкі.