Бізнес-навіны

Швейныя і трыкатажныя прадпрыемствы "Беллегпрама" ў I паўгоддзі забяспечылі дадатнае сальда знешняга гандлю

Фота з архiва

26 жніўня, Мінск /Кар. БЕЛТА/. Швейныя і трыкатажныя прадпрыемствы "Беллегпрама" ў I паўгоддзі забяспечылі дадатнае сальда знешняга гандлю, паведамілі карэспандэнту БЕЛТА ў прэс-службе канцэрна.

"Аб'ём экспарту арганізацый трыкатажнай галіны ў  I паўгоддзі дасягнуў $50,3 млн, швейнай - $21,5 млн. У выніку склалася дадатнае сальда: у швейнай - $6,9 млн, трыкатажнай - $22,7 млн", - сказалі ў прэс-службе.

За першыя шэсць месяцаў бягучага года швейнымі і трыкатажнымі прадпрыемствамі "Беллегпрама" выраблена прадукцыі на Br267 млн. Індэкс прамысловай вытворчасці ў супастаўных цэнах да адпаведнага перыяду мінулага года па трыкатажнай галіне склаў 78 працэнтаў, па швейнай - 81 працэнт.

Як адзначылі ў канцэрне, у першым паўгоддзі эфектыўна спрацавалі швейныя прадпрыемствы: іх прыбытак ад рэалізацыі тавараў і паслуг склаў Br12,9 млн, або 121,1 працэнта да адпаведнага перыяду мінулага года.

Рэнтабельнасць продажаў па трыкатажнай галіне дасягнула 13,4 працэнта, па швейнай - 16,3 працэнта.

Трыкатажнымі арганізацыямі асвоена Br3,3 млн інвестыцый у асноўны капітал, практычна ўсе - на абсталяванне (Br3,2 млн). Найбольшы аб'ём прыцягнула ААТ "Палессе" (Br2,5 млн). Прадпрыемствамі швейнай галіны асвоена Br953 тыс. інвестыцый. Найбольшы аб'ём прыцягнулі ААТ "Надэкс" (Br313 тыс.) і ЗАТ "Калінка" (Br234 тыс.).

У канцэрн "Беллегпрам" уваходзяць 96 арганізацый, 76 з якіх - прамысловыя. Прампрадпрыемствы дзеляцца па галінах: тэкстыльная, швейная, трыкатажная і гарбарна-абутковая. Яны выпускаюць 60 працэнтаў агульнага аб'ёму тавараў лёгкай прамысловасці Беларусі і 21 працэнт агульнага аб'ёму айчынных нехарчовых тавараў.

версія для друку

зрабіць стартавай

дабавіць у выбранае