Бізнес-навіны

"Бакі адзначылі высокі ўзровень даверу, які склаўся паміж дзвюма краінамі. Дадзена высокая ацэнка зместу палітычнага супрацоўніцтва Беларусі і Кубы як у двухбаковым, так і ў шматбаковым фарматах. Абмеркаваны магчымасці кантактаў на вышэйшым узроўні, разгледжаны шляхі актывізацыі ўзаемадзеяння ў гандлёва-эканамічнай, навукова-тэхнічнай і іншых галінах", - заявіў прэс-сакратар МЗС.

Паводле яго слоў, у ходзе размовы Уладзіміра Макея з Раулем Кастра таксама была адзначана недапушчальнасць знешняга ўздзеяння на праводзімую дзвюма краінамі незалежную знешнюю і ўнутраную палітыку. Уладзімір Макей перадаў кіраўніку кубінскай дзяржавы асабістае пасланне ад Прэзідэнта Беларусі Аляксандра Лукашэнкі.

Акрамя таго, Уладзімір Макей правёў сустрэчу з міністрам прамысловасці Кубы Сальвадорам Парда Крусам. Беларускаму боку прадстаўлена інфармацыя аб новых напрамках развіцця прамысловасці Кубы, і ў сувязі з гэтым абмеркаваны магчымасці рэалізацыі канкрэтных двухбаковых праектаў. Кубінскі міністр выказаў зацікаўленасць ва ўстанаўленні супрацоўніцтва з шэрагам беларускіх прадпрыемстваў. Дасягнута дамоўленасць аб уключэнні прадстаўніка Міністэрства прамысловасці ў склад кубінскай дэлегацыі, якая плануе наведаць Беларусь восенню 2014 года.

Міністры таксама разам наведалі міжнародную прамысловую выстаўку, дзе азнаёміліся з прадстаўленымі навукова-тэхнічнымі распрацоўкамі кубінскай і сусветнай прамысловасці. Пры наведванні выставачных стэндаў з шэрагам кампаній абмеркаваны перспектывы арганізацыі ўзаемных паставак беларускай і кубінскай прадукцыі на рынкі дзвюх краін.